കുവൈറ്റ് : രാവിലെ 10 മണിക്ക് പൂക്കള മത്സരത്തോട് കൂടി ആഘോഷ പരിപാടികള് ആരംഭിച്ചു. തുടര്ന്ന് പായസ മത്സരവും മൈലാഞ്ചി മത്സരവും നടന്നു. സ്വാദിഷ്ടമായ ഓണ സദ്യക്ക് ശേഷം വിശിഷ്ടാതിഥികളെ ആനയിച്ചു കൊണ്ട് ചെണ്ടമേളക്കാര് വേദിയിലേക്ക് പ്രവേശിച്ചു.പ്രോഗ്രാം കണ്വീനര് പി എ നാസ്സറിന്റെ സ്വാഗതത്തോടു കൂടി സാംസ്കാരിക സമ്മേളനംആരംഭിച്ചു. പ്രസിഡന്റ് അനില് കള്ളാറിന്റെ അദ്ധ്യക്ഷതയില് കുവൈറ്റിലെ പ്രമുഘ വ്യക്തിത്വങ്ങള് പങ്കെടുത്തസാംസ്കാരിക സമ്മേളനം ഇന്ത്യന് എംബസി സെക്കന്ഡ് സെക്രട്ടറി പി പി നാരായണന് ഉദ്ഘാടനം ചെയ്തു. ജിലീബ് ഏരിയ കമാണ്ടര് കേണല് ഇബ്രാഹിം അബ്ദുല് റസാഖ് അല് തൈബി ആശംസ അര്പ്പിച്ചു കൊണ്ട് സംസാരിച്ചു. ചടങ്ങില് കാസര്കോട് ഉത്സവിന്റെ മുഖ്യാഥിതിയും കാസര്കോട് ജില്ലയിലെ ജീവ കാരുണ്യ പ്രവര്ത്തനങ്ങളില് സജീവ സാന്നിധ്യവുമായ അബ്ദുല് ലത്തീഫ് ഉപ്പളയെ ചെയര്മാന് എഞ്ചിനീയര് അബൂബക്കര് പൊന്നാട അണിയിച്ചു ആദരിച്ചു, മുഖ്യ രക്ഷാധികാരി അഥിതിക്കുള്ള മൊമെന്റോ നല്കി. വിശിഷ്ടാതിഥി അബ്ദുല് ലത്തീഫ് ഉപ്പളയെ അഷ്റഫ് തൃക്കരിപ്പൂര് സദസ്സിനുപരിചയപ്പെടുത്തി.
സോവനീര് പ്രകാശനം ബദര് അല് സമ അസ്സോസിയേറ്റ്സ് ഇന് കുവൈറ്റ് അഷ്റഫ് അയ്യൂറിനു നല്കിക്കൊണ്ട് അഡ്വൈസറി ബോര്ഡ്അംഗം അപ്സര മഹമൂദ് നിര്വഹിച്ചു. പ്രോഗ്രാം കമ്മിറ്റി ചെയര്മാന് സത്താര് കുന്നില് ഈ വര്ഷത്തെ ചാരിറ്റി പദ്ധതികളായ കാസര്കോട് ജില്ലാ , താലൂക്ക് ആശുപത്രികള്ക്കുള്ള മൊബൈല് ഫ്രീസര്, തിരഞ്ഞെടുത്ത ബഡ്സ് സ്കൂളുകള്ക്കുള്ള സഹായം എന്നിവയെ കുറിച്ച് സദസ്സിനു വിശദീകരിച്ചു.ജനറല് സെക്രട്ടറി മുഹമ്മദ് കുന്ഹി സംഘടനയുടെ പ്രവര്ത്തന റിപ്പോര്ട്ട് അവതരിപ്പിച്ചു. ചാരിറ്റി കണ്വീനര് സലാം കളനാട് ചാരിറ്റി പ്രവര്ത്തനങ്ങളും, വെല്ഫെയര് കണ്വീനര് രാമകൃഷ്ണന് കള്ളാര് അസോസിയേഷന്റെ വെല്ഫെയറിനെക്കുറിച്ചും, യൂണിറ്റ് കോര്ഡിനേറ്റര് ഹമീദ് മധുര് യൂണിറ്റുകളുടെ പ്രവര്ത്തനത്തെ കുറിച്ചും സംസാരിച്ചു.മുഖ്യ രക്ഷാധികാരി സഗീര് തിരക്കരിപ്പൂര്, ചെയര്മാന് എഞ്ചിനീയര് അബൂബക്കര്, എന്നിവര് ആശംസകള് അര്പ്പിച്ചു. ഓര്ഗനൈസിംഗ് സെക്രട്ടറി മുഹമ്മദ് ആറങ്ങാടി നന്ദി പ്രകാശനം നടത്തി.
തുടര്ന്ന് പ്രശസ്ത കലാകാരി ദീപ സന്തോഷ് മംഗളൂരിന്റെഭാരതനാട്യത്തോട് കൂടി കലാപരിപാടികള് ആരംഭിച്ചു, പ്രശസ്ത ചലച്ചിത്ര പിന്നണി ഗായകന് അന്വര് സാദത്, ബാഹുബലി ഫെയിം നയന നായര് എന്നിവര് ചേര്ന്ന് സംഗീത സന്ധ്യ, തിരുവാതിരക്കളി, ഒപ്പന, കോല്ക്കളി, സിനിമാറ്റിക് ഡാന്സ്, നൗഷാദ് തിടിലിന്റെ നേതൃത്വത്തില് കെഇ എ ബാന്ഡ് അംഗങ്ങള് ചേര്ന്ന് അവതരിപ്പിച്ച ഗാനമേള തുടങ്ങിയ വൈവിധ്യമാര്ന്ന കലാ പരിപാടികള് അവതരിപ്പിച്ചു. പൂക്കള മത്സരത്തില് നളിനാക്ഷന് ഒളവറ ടീം, സലാം കളനാട് ടീം, വിപിന് ദാസ് തൃശൂര് ടീം എന്നിവരും പായസ മത്സരത്തില് ഷെമിയ മുഹമ്മദ്, ജെസ്നി ഷമീര്, അഫ്സില ഷാഹില് എന്നിവരും മൈലാഞ്ചി മത്സരത്തില് സല്വാന റാഷിദ് , ഫാത്തിമ മുഹമ്മദ് , ആയിഷ ഹംസ എന്നിവരും വിജയികളായി.അതിഥികള്ക്കും സ്പോണ്സര്മാര്ക്കും മെമെന്റോയും മത്സര വിജയികള്ക്കുള്ള സമ്മാനങ്ങളും വിതരണം ചെയ്തു.
more recommended stories
-
ബിജെപി പ്രതിനിധി ഇല്ലാതെ കേന്ദ്ര സര്ക്കാരിന്റെ സൗകര്യങ്ങള് കേരളത്തിന് ലഭിക്കില്ല: ഇ ശ്രീധരന്
മലപ്പുറം: മോദിയുടെ ഗ്യാരന്റിക്ക് ജനങ്ങള് വോട്ട്.
-
കേരളത്തില് വോട്ടെടുപ്പ് കൊടും ചൂടില്: പാലക്കാട് ഉഷ്ണതരംഗ സാധ്യത, 11 ജില്ലകളില് ഉയര്ന്ന താപനില മുന്നറിയിപ്പ്
തിരുവനന്തപുരം: സംസ്ഥാനത്ത് ലോക്സഭാ തെരഞ്ഞെടുപ്പിന്റെ വോട്ടെണ്ണല്.
-
കാസര്കോട് ജില്ലയില് നിരോധനാജ്ഞ പ്രഖ്യാപിച്ചു
തെരഞ്ഞെടുപ്പ് പ്രമാണിച്ച് കാസര്കോട്് ജില്ലയില് നിരോധനാജ്ഞ.
-
ജനകീയ ശാസ്ത്ര സംവാദ സദസ് സംഘടിപ്പിച്ചു.
കൊടക്കാട്:പാടിക്കീല് എ.കെ.ജി. ഗ്രന്ഥാലയത്തിന്റെയും കേരള ശാസ്ത്ര.
Leave a Comment