വെല്ലിങ്ടണ്: അണ്ടര് 19 ക്രിക്കറ്റ് ലോകകപ്പില് ഇന്ത്യക്ക് നാലാം കിരീടം. ആസ്ത്രേലിയ ഉയര്ത്തിയ 217 റണ് വിജയലക്ഷ്യം ഇന്ത്യ എട്ടു വിക്കറ്റ് ശേഷിക്കേ മറികടന്നു. സെഞ്ചുറി നേടിയ മന്ജോത് കല്റയാണ് ഇന്ത്യന് ജയം അനായാസമാക്കിയത്. മന്ജോത് പുറത്താകാതെ 101 റണ്സ് എടുത്തു. കളിയുടെ എല്ലാ മേഖലയിലും സമഗ്രാധിപത്യം സ്ഥാപിച്ചാണ് യുവ ഇന്ത്യ ഓസീസിനെ തറപറ്റിച്ചത്. രാഹുല് ദ്രാവിഡാണ് ഇന്ത്യന് ടീമിന്റെ പരിശീലകന്.
ഇന്ത്യക്ക് ഓപ്പണര്മാര് മികച്ച തുടക്കമാണ് നല്കിയത്. പിന്നീട്ഒരു ഘട്ടത്തിലും ഓസീസിന് കളിയിലേക്ക് തിരിച്ചുവരാനായില്ല. ആദ്യം ബാറ്റ് ചെയ്ത ആസ്ത്രേലിയക്ക് 47.2 ഓവറില് 216 റണ്സെടുക്കാനേ കഴിഞ്ഞിരുന്നുള്ളൂ. രണ്ടു വിക്കറ്റ് വീതം വീഴ്ത്തിയ ഇടങ്കയ്യന് സ്പിന്നര്മാരായ ശിവ സിങ്ങും അനുകുള് റോയുമാണ് ആസ്ത്രേലിയയെ കുറഞ്ഞ സ്കോറില് തളച്ചത്. ഒരു ഘട്ടത്തില് നാലു വിക്കറ്റ് നഷ്ടത്തില് 183 റണ്സ് എന്ന സുരക്ഷിതമായ നിലയിലായിരുന്ന ആസ്ത്രേലിയ 33 റണ്സ് കൂട്ടിച്ചേര്ക്കുന്നതിനിടെ തകര്ന്നടിയുകയായിരുന്നു. ഓസീസ് നിരയില് അര്ധസെഞ്ചുറി നേടിയ ജൊനാഥന് മെര്ലോ(76) മാത്രമാണ് പിടിച്ചു നിന്നത്.
ഇതോടെ അണ്ടര് 19 ക്രിക്കറ്റ് ലോകകപ്പില് നാലു തവണ ചാന്പ്യന്മാരാകുന്ന ആദ്യ ടീമായി ഇന്ത്യ. ഓസീസ് മൂന്നു കിരീടങ്ങള് നേടിയിട്ടുണ്ട്. ടൂര്ണമെന്റിലുടനീളം മികച്ച പ്രകടനം പുറത്തെടുത്ത ഇന്ത്യ എല്ലാ മത്സരങ്ങളും വന്മാര്ജിനിലാണ് ജയിച്ചത്. രാഹുല് ദ്രാവിഡിന്റെ ശിക്ഷണത്തിലുള്ള കൗമാരതാരങ്ങള് ഭാവിയില് സീനിയര് ടീമിന് മുതല്ക്കൂട്ടായി വളരുമെന്നാണ് പ്രതീക്ഷ.
more recommended stories
-
വിവിപ്പാറ്റിന്റെ പ്രവര്ത്തനത്തില് വ്യക്തത തേടി സുപ്രീം കോടതി, സാങ്കേതിക വിഷയങ്ങള് കമ്മീഷന് വിശദീകരിക്കണം
ദില്ലി:വിവി പാറ്റില് വ്യക്തത തേടി സുപ്രിം കോടതി.സാങ്കേതിക.
-
കെകെ ശൈലജക്കും എംവി ഗോവിന്ദനുമെതിരെ ഡിജിപിക്ക് പരാതി; ജനപ്രാധിനിത്യ നിയമത്തിന്റെ ലംഘനമെന്ന് ഷാഫി പറമ്പില്
കോഴിക്കോട്: വാശിയേറിയ പോരാട്ടം നടക്കുന്ന വടകര.
-
കോണ്ഗ്രസ് പ്രകടനപത്രികയില് ലീഗിന്റെ ആശയം, സാമൂഹിക സമത്വം കോണ്ഗ്രസ് തകര്ത്തു: പ്രധാനമന്ത്രി
റായ്പൂര്: ലോക്സഭാ തെരഞ്ഞെടുപ്പില് കോണ്ഗ്രസിനെതിരെ അതിരൂക്ഷ.
-
2ാം ഘട്ട വിധിയെഴുത്തിന് രാജ്യം; മോദി തരംഗത്തില് കണ്ണുവച്ച് ബിജെപി, സീറ്റെണ്ണം കൂടുമെന്ന പ്രതീക്ഷയില് കോണ്ഗ്രസ്
2019 ല് 71 ശതമാനം സീറ്റും വിജയിച്ചതിന്റെ.
Leave a Comment