ഡെറാഡൂണ്‍ : നാലാമത് രാജ്യാന്തര യോഗാദിനാചരണത്തിനു രാജ്യം ഒരുങ്ങി. ഉത്തരാഖണ്ഡിലെ ഡെറാഡൂണിലുള്ള വന ഗവേഷണ കേന്ദ്രത്തിലാണു പ്രധാനമന്ത്രി നരേന്ദ്ര മോദി നാളെ യോഗാദിനം ആചരിക്കുന്നത്. പ്രധാനമന്ത്രിയുടെ സന്ദര്‍ശനത്തിനു മുന്നോടിയായി കേന്ദ്രത്തിലെ എല്ലാ ക്രമീകരണങ്ങളും പൂര്‍ത്തിയായതായി ഔദ്യോഗികവൃത്തങ്ങള്‍ പറഞ്ഞു. 50,000ല്‍ പരം ആളുകള്‍ പങ്കെടുക്കുന്ന ചടങ്ങിനു കനത്ത സുരക്ഷയാണ് ഒരുക്കിയിരിക്കുന്നത്. കുരങ്ങുകളുടെയും പാമ്പുകളുടെയും ശല്യമുള്ള വന ഗവേഷണ കേന്ദ്രത്തില്‍, ഇവ ഒഴിവാക്കുന്നതിനു പ്രത്യേക നിരീക്ഷണ സംഘത്തെ നിയോഗിച്ചതായി ഡിഎഫ്ഒ രാജീവ് ദിമന്‍ പറഞ്ഞു.
450 ഹെക്ടറില്‍ വ്യാപിച്ചു കിടക്കുന്ന ഡെറാഡൂണ്‍ വന ഗവേഷണ കേന്ദ്രം കൊടുംവനത്തിലാണു സ്ഥിതി ചെയ്യുന്നത്. വന്യമൃഗങ്ങളുടെ ശല്യമുള്ള ഇവിടെ, ചടങ്ങിനു എത്തുന്നവര്‍ക്കു പ്രത്യേക ഗതാഗത സംവിധാനം ഏര്‍പ്പെടുത്തിയിട്ടുണ്ടെന്ന് ഉത്തരാഖണ്ഡ് ചീഫ് സെക്രട്ടറി ഉത്പല്‍ കുമാര്‍ അറിയിച്ചു. പൊതു യോഗാ ചട്ടം (സിവൈപി) അനുസരിച്ചുള്ള യോഗാസനകളായിരിക്കും ചടങ്ങില്‍ എത്തുന്നവര്‍ ചെയ്യുകയെന്നും അദ്ദേഹം പറഞ്ഞു. ലക്‌നൗവിലെ രമാഭായി അംബേദ്കര്‍ സഭാ സ്ഥല്ലിലാണു കഴിഞ്ഞ വര്‍ഷം മോദി രാജ്യാന്തര യോഗാദിനം ആചരിച്ചത്. ഐക്യരാഷ്ട്ര സഭ 2014ലാണ് ജൂണ്‍ 21 രാജ്യാന്തര യോഗാദിനമായി പ്രഖ്യാപിച്ചത്.
more recommended stories
സ്വര്‍ണവില കുത്തനെ കുറഞ്ഞുതിരുവനന്തപുരം: സംസ്ഥാനത്ത് ഇന്ന് സ്വര്‍ണവില കുത്തനെ കുറഞ്ഞു..
നെടുമ്പാശ്ശേരിയില് യുവതിയുടെ മൃതദേഹം പാളത്തില് ട്രെയിനില് നിന്ന് വീണതെന്ന് സംശയം ആലുവയിലും ട്രാക്കില് മൃതദേഹംരാവിലെ ട്രെയിനില് നിന്നും വീണതാണോയെന്ന് സംശയിക്കുന്നതായി.
വെള്ളവയറന് കടല് പരുന്ത് കളക്ടറേറ്റില് വോട്ടര് ബോധവല്ക്കരണത്തിന് നവീന മാതൃകജില്ലയുടെ സ്വന്തം പക്ഷി വെള്ളവയറന് കടല്പരുന്ത്.
ലാപ്ടോപ്പ് കൈമാറിഅബൂദാബി: അബൂദാബി മഞ്ചേശ്വരം മണ്ഡലം മുസ്ലിം.
Leave a Comment