ഓട്ടോയും കാറും കൂട്ടിയിടിച്ച് ആറുപേര്‍ക്ക് പരിക്ക്‌

കുമ്പള: പെര്‍വാഡില്‍ ഓട്ടോയും കാറും കൂട്ടിയിടിച്ച് ആറുപേര്‍ക്ക് പരിക്കേറ്റു. ചൊവ്വാഴ്ച രാവിലെ എട്ടരയോടെയായിരുന്നു അപകടം.
ഓട്ടോഡ്രൈവര്‍ അബ്ദുല്‍ലത്തീഫ് (28), യാത്രക്കാരനായ അബ്ദുള്ള (39) എന്നിവരെ മംഗലാപുരത്തെ ആശുപത്രിയിലും പാലക്കാട് മണ്ണാര്‍ക്കാട്ടെ മുഹമ്മദ് (25), ജബ്ബാര്‍ ലത്തീഫ് (35), അബൂബക്കര്‍ (60), ഉമ്മര്‍ (60) എന്നിവരെ കുമ്പളയിലെ ആശുപത്രിയിലും പ്രവേശിപ്പിച്ചു. ഉള്ളാളില്‍നിന്ന് സിയാറത്ത് കഴിഞ്ഞ് പാലക്കാട്ടേക്ക് മടങ്ങുകയായിരുന്ന സംഘം സഞ്ചരിച്ച കാറാണ് അപകടത്തില്‍പ്പെട്ടത്.