റിയാദ്: ഭീകരബന്ധം ആരോപിച്ച് ഖത്തറുമായുള്ള നയതന്ത്രബന്ധം ഉപേക്ഷിച്ചതിനു പിന്നാലെ സൗദി അറേബ്യ, യുഎഇ, ബഹ്റൈന്, ഈജിപ്ത് രാജ്യങ്ങള് ഖത്തറിലേക്കുള്ള വിമാനസര്വീസുകളും റദ്ദാക്കി. അബുദാബി കേന്ദ്രീകരിച്ച എത്തിഹാദ് എയര്വെയ്സ് ചൊവ്വാഴ്ച മുതല് സര്വീസ് നടത്തില്ലെന്ന് അറിയിച്ചു. ദോഹയിലേക്കും തിരിച്ചും വിമാനസര്വീസ് ഉണ്ടായിരിക്കില്ല. ചൊവ്വാഴ്ച പ്രാദേശിക സമയം 2.45നായിരിക്കും ദോഹയിലേക്കുള്ള അവസാന വിമാനമെന്ന് എത്തിഹാദ് വക്താവ് അറിയിച്ചു. ദുബായില്നിന്ന് ദോഹയിലേക്കു സര്വീസ് നടത്തുന്ന ഫ്ലൈ ദുബായിയും സര്വീസ് നിര്ത്തി.
എമിറേറ്റ്സ്, സൗദിയ, ഗള്ഫ് എയര്, ഈജിപ്ത് എയര് എന്നീ വിമാനക്കമ്പനികളും സര്വീസ് നിര്ത്തുന്നതായാണ് വിവരം. അതേസമയം ഖത്തറിലെ തീര്ഥാടകരെ എത്തിക്കുന്നതിന് വിലക്കേര്പ്പേടുത്തിയിട്ടില്ല. അതിനിടെ, വിമാനസര്വീസുകള് നിര്ത്തിയത് മലയാളികളെ ഗുരുതരമായി ബാധിക്കും. അതേസമയം ഖത്തര് എയര്വെയ്സ് സൗദിയിലേക്കുള്ള എല്ലാ വിമാനസര്വീസുകളും നിര്ത്തിവച്ചു.
ഭീകരര്ക്ക് സാമ്പത്തിക സഹായം നല്കുന്നുവെന്ന് ആരോപിച്ചാണ് ഖത്തറുമായുള്ള നയതന്ത്രബന്ധം അവസാനിപ്പിക്കാന് രാജ്യങ്ങള് തീരുമാനിച്ചത്. ഖത്തറുമായുള്ള ബന്ധം അവസാനിപ്പിക്കാന് മറ്റു രാജ്യങ്ങളോടും സൗദി ആഹ്വാനം ചെയ്യുകയും ചെയ്തു.
more recommended stories
-
യാത്രക്കാരെ ഇറക്കാനായില്ല ദുബൈയിലേക്ക് പുറപ്പെട്ട എയര് ഇന്ത്യ വിമാനം തിരിച്ചിറക്കി
180ഓളം യാത്രക്കാരാണ് വിമാനത്തിലുള്ളത്. ദുബൈ: ദുബൈയിലേക്ക്.
-
യുഎഇയിലെ കനത്ത മഴ വീടുകളില് പ്രാര്ത്ഥന നടത്താന് ആവശ്യപ്പെട്ട് പള്ളികള്
റെക്കോര്ഡ് മഴയാണ് യുഎഇയില് പെയ്തത് 75.
-
ഒമാന് ഒഴികെയുള്ള ഗള്ഫ് രാജ്യങ്ങളില് ബുധനാഴ്ച ചെറിയ പെരുന്നാള്
ഒമാന് ഒഴികെയുള്ള ഗള്ഫ് രാജ്യങ്ങളില് ബുധനാഴ്ച ചെറിയ.
-
മുസ്വാഹബ ഈദ് സംഗമം,
ദുബൈ കെഎംസിസി മൊഗ്രാല് പുത്തൂര് പഞ്ചായത്ത് കമ്മിറ്റി.
Leave a Comment