2010 നും 2024 നും ഇടയില് ജനിച്ചവരാണ് ജനറേഷന് ആല്ഫ. ആല്ഫ ജനറേഷന് മുമ്പ് ജനറേഷന് ഇസഡ് (1995-2009), അതിന് മുമ്പ് ജനറേഷന് Y (1980-1994) എന്നിവ വന്നു.
ജനസംഖ്യയുടെ അടുത്ത തലമുറ 2025 ജനുവരി 1 മുതല് ആരംഭിക്കും. 2025 ജനുവരി ഒന്ന് മുതല് ജനറേഷന് ബീറ്റ അഥവാ ‘ജെന് ബീറ്റ’ എന്ന പുതിയ ജനസംഖ്യാ ഗ്രൂപ്പാണ് ആരംഭിക്കുന്നത്. 2025-നും 2039-നും ഇടയില് ജനിക്കുന്ന കുട്ടികളെയാണ് ഈ ഗ്രൂപ്പില് ഉള്പ്പെടുത്തുന്നത്. 2010 നും 2024 നും ഇടയില് ജനിച്ചവരാണ് ജനറേഷന് ആല്ഫ. ആല്ഫ ജനറേഷന് മുമ്പ് ജനറേഷന് ഇസഡ് (1995-2009), അതിന് മുമ്പ് ജനറേഷന് Y (1980-1994) എന്നിവ വന്നു.
ഡിജിറ്റല് ലോകത്തില് ജനിച്ചു വളരുന്ന ജെന് ബീറ്റ കുട്ടികള് ആര്ട്ടിഫിഷ്യല് ഇന്റലിജന്സ്, വെര്ച്വല് റിയാലിറ്റി തുടങ്ങിയ സങ്കേതവിദ്യകളുമായി അടുത്ത ബന്ധം പുലര്ത്തുമെന്നാണ് റിപ്പോര്ട്ടുകള് പറയുന്നത്. എഐ, വെര്ച്വല് റിയാലിറ്റി, ഇന്റര്നെറ്റ് ഓഫ് തിംഗ്സ് (ഐഒടി) തുടങ്ങിയ നൂതന സാങ്കേതികവിദ്യകള് ആക്സസ് ചെയ്യാനും അവയില് പ്രാവീണ്യം നേടാനും ജനറേഷന് ബീറ്റയ്ക്ക് കൂടുതല് അവസരങ്ങളുണ്ട്.
ജനറേഷന് ബീറ്റ ആരോഗ്യ സംരക്ഷണത്തിലും സാങ്കേതിക വിദ്യയിലും പുരോഗതി കൈവരിക്കുന്നതോടെ ഈ കാലയളവില് ജനിക്കുന്ന പല കുട്ടികള്ക്കും കൂടുതല് ആയുസ്സ് ഉണ്ടാകും. സാമൂഹിക നീതി, പരിസ്ഥിതി സംരക്ഷണം തുടങ്ങിയ മേഖലകളില് വലിയ മാറ്റങ്ങള്ക്ക് ഇവര് നേതൃത്വം നല്കുമെന്നാണ് പഠനങ്ങള് പറയുന്നത്
