മൊഗ്രാല്.മാലിന്യമുക്ത നവ കേരളത്തിനായി സംസ്ഥാന സര്ക്കാറും, തദ്ദേശ സ്വയംഭരണ സ്ഥാപനങ്ങളും യുദ്ധം പ്രഖ്യാപിച്ചിരിക്കെ ജില്ലാ പഞ്ചായത്തിന്റെ കീഴിലുള്ള മൊഗ്രാല് ഗവര്മെന്റ് വൊക്കേഷണല് ഹയര് സെക്കന്ഡറി സ്കൂള് ഇനി ‘മാലിന്യമുക്ത”ക്യാമ്പസായി അറിയപ്പെടും.ഇതിന്റെ പ്രഖ്യാപനം ജില്ലാ പഞ്ചായത്ത് പ്രസിഡണ്ട് ബേബി ബാലകൃഷ്ണന് മൊഗ്രാല് സ്കൂളില് വെച്ച് നടന്ന ചടങ്ങില് നിര്വഹിച്ചു. പ്രഖ്യാപനത്തിന്റെ അടിസ്ഥാനത്തില് ഇനി മൊഗ്രാല് സ്കൂളും, പരിസരവും മാലിന്യ മുക്തമാകും.
പരിപാടിയോടനുബന്ധിച്ച് മൊഗ്രാല് സ്കൂള് പിടിഎ ഒരുക്കുന്ന വികസന സ്വപ്ന സാക്ഷാത്കാരത്തിനായുള്ള കൂപ്പണ് എം മാഹിന് മാസ്റ്റര്ക്ക് നല്കി ജില്ലാ പഞ്ചായത്ത് പ്രസിഡണ്ട് ബേബി ബാലകൃഷ്ണന് വിതരണോദ്ഘാടനം നിര്വഹിച്ചു.
ചടങ്ങില് പിടിഎ പ്രസിഡണ്ട് അഷ്റഫ് പെര്വാഡ് അധ്യക്ഷത വഹിച്ചു.ഹെഡ്മാസ്റ്റര് സുകുമാരന് കെ സ്വാഗതം പറഞ്ഞു.വാര്ഡ് മെമ്പര് റിയാസ് മൊഗ്രാല്,സ്കൂള് എസ്എംസി ചെയര്മാന് ആരിഫ് എന്ജിനീയര്,പിടിഎ വൈസ് പ്രസിഡണ്ട് ലത്തീഫ് കൊപ്പളം, ഹയര്സെക്കന്ഡറി പ്രിന്സിപ്പാള് ഇന് ചാര്ജ് അനില് കെ, അധ്യാപകരായ മുജീബ്, നിബു,രാജേശന്, അഷ്കര്, റാഫി, സുനിത, ബല്ക്കീസ്, ബിജു, ഫര്സാന,റിട്ട: ഹെഡ്മാസ്റ്റര് എം മാഹിന്, സീനിയര് അസിസ്റ്റന്റ് ജാന്സി,പിടിഎ അംഗങ്ങളായ സുഹറ, സഫിയ,മുംതാസ്,നഫീസ, രക്ഷിതാക്കളായ എംഎ റഹ്മാന്,ഹമീദ് പെര്വാഡ് എന്നിവര് സംബന്ധിച്ചു. സ്റ്റാഫ് സെക്രട്ടറി തസ്നി നന്ദി പറഞ്ഞു.
ഫോട്ടോ: മൊഗ്രാല് ജിവിഎച്ച്എസ്എസ് മാലിന്യമുക്ത ക്യാമ്പസ് പ്രഖ്യാപനം ജില്ലാ പഞ്ചായത്ത് പ്രസിഡണ്ട് ബേബി ബാലകൃഷ്ണന് നിര്വഹിക്കുന്നു.
