സെന്ട്രല് പൊലീസ് സ്റ്റേഷനിലാണ് ഹണി റോസ് പരാതി നല്കിയത്. സൈബര് ഇടങ്ങളില് തനിക്കെതിരെ രാഹുല് സംഘടിത ആക്രമണം നടത്തുന്നുവെന്ന് ചൂണ്ടിക്കാട്ടിയാണ് ഹണി റോസിന്റെ പരാതി.
കൊച്ചി: രാഹുല് ഈശ്വറിനെതിരെ പരാതി നല്കി ഹണി റോസ്. സെന്ട്രല് പൊലീസ് സ്റ്റേഷനിലാണ് ഹണി റോസ് പരാതി നല്കിയത്. സൈബര് ഇടങ്ങളില് തനിക്കെതിരെ രാഹുല് സംഘടിത ആക്രമണം നടത്തുന്നുവെന്ന് ചൂണ്ടിക്കാട്ടിയാണ് ഹണി റോസിന്റെ പരാതി. അതിനിടെ ബോബി ചെമ്മണ്ണൂര് നടത്തിയ എല്ലാ അശ്ലീല പരാമര്ശങ്ങളും ശേഖരിക്കുമ്മെന്നും ജാമ്യത്തെ എതിര്ത്തു കോടതിയില് ഹാജരാക്കുമെന്നും പൊലീസ് അറിയിച്ചു.
‘രാഹുല് ഈശ്വര്, ഞാനും എന്റെ കുടുബവും കടുത്ത മാനസിക സംഘര്ഷത്തിലൂടെയാണ് കടന്ന് പോകുന്നത് അതിന് പ്രധാന കാരണക്കാരില് ഒരാള് ഇപ്പോള് താങ്കള് ആണ്.’ ഇങ്ങനെ വിവരിച്ചുകൊണ്ട് സമൂഹ മാധ്യമങ്ങളിലെ പോസ്റ്റിട്ടതിന് പിന്നാലെയാണ് ഹണി റോസ് പൊലീസില് പരാതി നല്കിയിരിക്കുന്നത്. താന് ബോബി ചെമ്മണ്ണൂരിനെതിരെ കൊടുത്ത പരാതിയുടെ ഗൗരവം ചോര്ത്തിക്കളായാനും, ജനങ്ങളുടെ പൊതുബോധം തനിക്കെതിരെ തിരിക്കാനുമാണ് രാഹുല് ഈശ്വറിന്റെ ശ്രമമെന്ന് ഹണി റോസ് ആരോപിക്കുന്നു. സൈബര് ഇടത്തിലൂടെ സംഘടിതമായ ഒരു ആക്രമണമാണ് രാഹുല് ഈശ്വര് ആസൂത്രണം ചെയ്യുന്നതെന്നും ഹണി പറയുന്നു. വസ്ത്രം സ്വാതന്ത്ര്യം ഇന്ത്യന് ഭരണഘടന ഉറപ്പ് നല്കുന്നുവെന്നും വ്യക്തമാക്കിയാണ് രാഹുലിനെതിരെ നിയമ നടപടിക്ക് തുടക്കമിടുന്ന കാര്യം ഹണി വ്യക്തമാക്കിയത്.തന്റെ തൊഴിലിന് നേരെ വരുന്ന ഭീഷണികള്, തൊഴില് നിഷേധ.ഭീഷണി, അശ്ലീല സന്ദേശങ്ങള്, ദ്വയാര്ത്ഥ പ്രയോഗം ഇതിനൊക്കെ കാരണം രാഹുല് ഈശ്വറാണെന്ന് കടുത്ത വിമര്ശനവും ഹണി ഉന്നയിക്കുന്നു. രാഹുലിനെതിരെ ഹണിയുടെ രണ്ടാമത്തെ പോസ്റ്റാണിത്. അതിനിടെ റിമാന്ഡില് കഴിയുന്ന ബോബി ചെമ്മണ്ണൂരിനെ ഏത് വിധേനയും പൂട്ടാനുള്ള നീക്കത്തിലാണ് പൊലീസ്. ബോബി നേരത്തെ നടത്തിയ അശ്ലീല ദ്വയാര്ത്ഥ പ്രയോഗങ്ങളുടെ എല്ലാം വീഡിയോകളും ശേഖരിക്കാനുള്ള ശ്രമത്തിലാണ് അന്വേഷണസംഘം. എല്ലാം ബോബി ചെമ്മാണ്ണൂരിന്റെ ജാമ്യത്തെ എതിര്ത്ത് കോടതിയില് ഹാജരാക്കും. ചൊവ്വാഴ്ചയാണ് ബോബിയുടെ ജാമ്യം ഹൈക്കോടതി പരിഗണിക്കുക.
