Home Sports രഞ്ജിട്രോഫി: കേരളത്തിനെതിരെ ബിഹാറിന് ഫോളോ ഓണ്‍, 64 റണ്‍സിന് പുറത്ത്, രണ്ടാം ഇന്നിംഗ്‌സിലും തകര്‍ച്ച

രഞ്ജിട്രോഫി: കേരളത്തിനെതിരെ ബിഹാറിന് ഫോളോ ഓണ്‍, 64 റണ്‍സിന് പുറത്ത്, രണ്ടാം ഇന്നിംഗ്‌സിലും തകര്‍ച്ച

by KCN CHANNEL
0 comment

തിരുവവന്തപുരം: രഞ്ജി ട്രോഫി ക്രിക്കറ്റില്‍ കേരളത്തിന്റെ ഒന്നാം ഇന്നിംഗ്‌സ് സ്‌കോറായ 351 റണ്‍സിന് മറുപടിയായി രണ്ടാം ദിനം വെറും 64 റണ്‍സിന് ഓള്‍ ഔട്ടായി ബിഹാര്‍ ഫോളോ ഓണ്‍ വഴങ്ങി. 287 റണ്‍സിന്റെ കൂറ്റന്‍ ഒന്നാം ഇന്നിംഗ്‌സ് ലീഡ് നേടിയ കേരളം ബംഗാളിനെ ഫോളോ ഓണ്‍ ചെയ്യിച്ച് രണ്ടാം ഇന്നിംഗ്‌സില്‍ ബാറ്റിംഗിന് വിട്ടു. രണ്ടാം ഇന്നിംഗ്‌സിലും ബിഹാര്‍ ബാറ്റിംഗ് തകര്‍ച്ച നേരിടുകയാണ്. ഒടുവില്‍ വിവരം ലഭിക്കുമ്പോള്‍ ബിഹാര്‍ രണ്ടാം ഇന്നിംഗ്‌സില്‍ മൂന്ന് വിക്കറ്റ് നഷ്ടത്തില്‍ 56 റണ്‍സെന്ന നിലയിലാണ്. സക്കീബുള്‍ ഗാനി(13), ബിപിന്‍ സൗരഭ്(2) എന്നിവരാണ് ക്രീസില്‍. ഇന്നിംഗ്‌സ് തോല്‍വി ഒഴിവാക്കാന്‍ ബിഹാറിന് ഇനിയും 231 റണ്‍സ് കൂടി വേണം.
ഓപ്പണര്‍ മംഗള്‍ മഹ്‌റോര്‍(5), ശ്രമണ്‍ നിഗ്രോധ്(15), ആയുഷ് ആയുഷ് ലോഹാറുക(9) എന്നിവരുടെ വിക്കറ്റകളാണ് രണ്ടാം ഇന്നിംഗ്‌സില്‍ ബിഹാറിന് നഷ്ടമായത്. കേരളത്തിനായി എം ഡി നിധീഷും വൈശാഖ് ചന്ദ്രനും ജലജ് സക്‌സേനയും ഓരോ വിക്കറ്റ് വീതം വീഴ്ത്തി. നേരത്തെ കേരളത്തിന്റെ ഒന്നാം ഇന്നിംഗ്‌സ് സ്‌കോറിന് മറുപടി പറയാനിറങ്ങിയ ബിഹാര്‍ 64 റണ്‍സിന് ഓള്‍ ഔട്ടാവുകയായിരുന്നു. 40-1 എന്ന ഭേദപ്പെട്ട സ്‌കോറില്‍ നിന്നാണ് ബിഹാര്‍ 24 റണ്‍സ് കൂടി കൂട്ടിച്ചേര്‍ക്കുന്നതിനിടെ 64 റണ്‍സിന് ഓള്‍ ഔട്ടായത്.

You may also like

Leave a Comment