മഞ്ചേശ്വരം: രാജ്യമെമ്പാടും വ്യാപകമായ പ്രതിഷേധത്തിന് കാരണമായ വഖഫ് ഭേദഗതി ബില്‍ 25 ഉടന്‍ പിന്‍വലിക്കണമെന്ന് ആവശ്യപ്പെട്ട് കാസര്‍കോട് ജില്ലയിലെ മഞ്ചേശ്വരത്തെ എല്ലാ മുസ്ലീം സംഘടനകളെയും ഒരുമിച്ച് കൊണ്ടുവന്ന് വഖഫ് സംരക്ഷണ സമിതിയുടെ നേതൃത്വത്തില്‍ വെള്ളിയാഴ്ച വൈകുന്നേരം കുഞ്ചത്തൂരില്‍ നിന്ന് ഹൊസങ്കടിയിലേക്ക് വന്‍ പ്രതിഷേധ മാര്‍ച്ച് നടത്തി.
പ്രതിഷേധ മാര്‍ച്ചിന് മുമ്പ്, കശ്മീരിലെ പഹല്‍ഗാമില്‍ വിനോദസഞ്ചാരികള്‍ക്ക് നേരെ നടന്ന മനുഷ്യത്വരഹിതമായ പ്രവൃത്തിയെ അപലപിക്കാനും രക്തസാക്ഷികളുടെ ആത്മാക്കള്‍ക്ക് ശാന്തി ലഭിക്കാന്‍ പ്രാര്‍ത്ഥിക്കാനും ഒരു മിനിറ്റ് മൗനം ആചരിച്ചു.
മഞ്ചേശ്വരത്തിന്റെ പല ഭാഗങ്ങളില്‍ നിന്നും പ്രതിഷേധ മാര്‍ച്ചില്‍ പങ്കെടുക്കാന്‍ വലിയൊരു ജനസഞ്ചയം എത്തി. മഞ്ചേശ്വരത്തെ മിക്ക മുസ്ലീം സംഘടനകളുടെയും നേതാക്കള്‍, രാഷ്ട്രീയ നേതാക്കള്‍, മതേതരവാദികള്‍, ആക്ടിവിസ്റ്റുകള്‍ എന്നിവരുള്‍പ്പെടെ ആയിരക്കണക്കിന് ആളുകള്‍ പങ്കെടുത്തു.
പ്ലക്കാര്‍ഡുകള്‍ ഉയര്‍ത്തിപ്പിടിച്ച പ്രതിഷേധക്കാര്‍ മുദ്രാവാക്യം വിളിക്കുകയും സമാധാനപരമായിവാഹനഗതാഗതത്തിന് തടസ്സപ്പെടുത്താതെ കേന്ദ്രസര്‍ക്കാറിന്റെ അനീതിക്കെതിരെ രോഷം പ്രകടിപ്പിചു കൊണ്ടാണ് പ്രതിഷേധ മാര്‍ച്ച് നടന്നത്.
വഖഫ് ഭേദഗതി ബില്ലിനെതിരെ മഞ്ചേശ്വരത്ത് വമ്പിച്ച പ്രതിഷേധ മാര്‍ച്ച്: ആയിരങ്ങള്‍ പങ്കെടുത്തു
43
