ദോഹ: ഖത്തറിലെ വിവിധ മേഖലയില്‍ ജോലി ചെയ്യുന്ന ഇന്ത്യന്‍ ഫാര്‍മസിസ്റ്റുമാരുടെ ഫുട്‌ബോള്‍ കൂട്ടായ്മയായ ഫാര്‍മ ക്ലബിന്റെ ആഭിമുഖ്യത്തില്‍ ജൂണ്‍ 27-ന് വൈകിട്ട് 6 മണിക്ക് MIC ഗ്രൗണ്ടില്‍ ആരംഭിക്കുന്ന ഇന്ത്യന്‍ ഫാര്‍മ ഫുട്‌ബോള്‍ ലീഗ് 2025ന്റെ ഔദ്യോഗിക പോസ്റ്റര്‍ പ്രകാശനം അല്‍ ജസീറ സ്‌കൂള്‍ ഗ്രൗണ്ടില്‍ വച്ച് നടത്തി. പരിപാടിയില്‍ വിവിധ കമ്മിറ്റിയംഗങ്ങളും ആരാധകരും പങ്കെടുത്ത് ആഘോഷമാക്കി.
മത്സരത്തില്‍ പങ്കെടുക്കുന്ന ടീമുകള്‍:
ബ്ലാക്ക് ആന്‍ഡ് വൈറ്റ് എഫ്.സി. ഹിലാല്‍,ജിംഖാന മാര്‍കിയ,
സൂപ്പര്‍ സ്റ്റുഡിയോ ബിന്‍ ഒമ്രാന്‍
,ടൗണ്‍ ടീം അല്‍ നസര്‍.
ഈ നാല് ടീമുകളിലും ദോഹയിലെ പ്രമുഖ ഫുട്‌ബോള്‍ കളിക്കാര്‍ പങ്കെടുക്കുന്നു. ഫാര്‍മസിസ്റ്റ് സമൂഹത്തിനുള്ളില്‍ സൗഹൃദം, ആരോഗ്യം, സഹ വര്‍ത്തിത്വം എന്നിവ വളര്‍ത്തുക എന്ന ഉദ്ദേശത്തോടെയാണ് ടൂര്‍ണമെന്റ് സംഘടിപ്പിക്കുന്നത്. മത്സരങ്ങള്‍ക്ക് അതിവേഗം ഒരുക്കങ്ങള്‍ പൂര്‍ത്തിയാകുകയാണ്.
പോസ്റ്റര്‍ പ്രകാശനച്ചടങ്ങില്‍ ടൂര്‍ണമെന്റ് കമ്മിറ്റി ചെയര്‍മാന്‍ ആറിഫ് ബംബ്രാനാ, അബ്ദുല്‍ റഹിമാന്‍ എരിയാല്‍, അല്‍ത്താഫ്, സമീര്‍ കെ ഐ, ടിസി നവാസ്, മഷൂദ് , ശനീബ്, സുഹൈല്‍, ഹനീഫ് പേരാല്‍, അമീര്‍ അലി , ഷാനവാസ് പുന്നൂളി ,സയ്യീദ് , ഇക്ബാല്‍ ,മുനീര്‍ , ജാസിര്‍ , അസ്‌കര്‍ അബ്ബാസ് , അന്‍വര്‍ , സെമീര്‍ u എന്നിവര്‍ സംബന്ധിച്ചു.
ഈ ഫുട്‌ബോള്‍ ലീഗ് ദോഹയിലെ ഇന്ത്യന്‍ ഫാര്‍മസിസ്റ്റ് സമൂഹത്തിന് ആത്മവിശ്വാസവും ആവേശവുമേകുന്ന ഒരു നിമിഷമാകുമെന്നാണ് സംഘാടകര്‍ പ്രതീക്ഷിക്കുന്നത്.
