22
ബാഴ്സലോണ: സ്പാനിഷ് ക്ലബ് അത്ലറ്റിക് ബില്‍ബാവോയുമായി കരാര്‍ പുതുക്കി സ്പെയിനിന്റെ യുവതാരം നിക്കോ വില്യംസ്. 2035 വരെയാണ് നിക്കോയും അത്ലറ്റിക് ക്ലബും തമ്മിലുള്ള പുതിയ കരാര്‍. ലമീന്‍ യമാലിനൊപ്പം നിക്കോ വില്യംസിനെയും ക്ലബിലെത്തിക്കാന്‍ സ്പാനിഷ് കരുത്തരായ ബാഴ്സലോണ ശ്രമിച്ചിരുന്നു. നിക്കോ വില്യംസുമായി ബാഴ്സലോണ നിരവധി ചര്‍ച്ചകള്‍ നടത്തിയെങ്കിലും താരം കൂടുതല്‍ കരാര്‍ തുക ആവശ്യപ്പെട്ടതാണ് നീക്കത്തിന് തിരിച്ചടിയായതെന്നാണ് റിപ്പോര്‍ട്ടുകള്‍. കരാര്‍ പുതുക്കിയതിന് പിന്നാലെ നിക്കോ പ്രതികരണവുമായി രംഗത്ത് വന്നിരുന്നു. അത്ലറ്റിക് ക്ലബാണ് തന്റെ വീടെന്നും ഇവിടെ തുടര്‍ന്നും കളിക്കാനാണ് ആഗ്രഹിക്കുന്നതെന്നും പിന്നീട് നിക്കോ വ്യക്തമാക്കി.
