തിരുവനന്തപുരം: 2025 ഡിസംബര് 7ന് പരീക്ഷാ ഭവനില് വെച്ച് നടക്കുന്ന രാഷ്ട്രിയ ഇന്ത്യന് മിലിട്ടറി കോളേജ്, ഡെറാഡൂണിലേക്കുള്ള പ്രവേശന പരീക്ഷയില് പങ്കെടുക്കുന്നവരുടെ ലിസ്റ്റ്, സമയവിവര പട്ടിക എന്നിവ പരീക്ഷാ ഭവന്റെ ഒദ്യോഗിക വെബ്സൈറ്റില് (https://pareekshabhavan.kerala.gov.in) ല് പ്രസിദ്ധീകരിച്ചു. ലിസ്റ്റില് ഉള്പ്പെട്ട വിദ്യാര്ത്ഥികളില് ആര്ക്കെങ്കിലും അഡ്മിഷന് ടിക്കറ്റ് ലഭിച്ചിട്ടില്ലെങ്കില് തിരിച്ചറിയല് രേഖയുമായി വന്ന് ഡ്യൂപ്ലിക്കേറ്റ് അഡ്മിഷന് ടിക്കറ്റ് കൈപ്പറ്റേണ്ടതാണെന്ന് അധികൃതര് അറിയിച്ചു.
പാരാമെഡിക്കല് ഡിഗ്രി കോഴ്സുകള്: സ്പെഷ്യല് അലോട്ട്മെന്റ് 22ന്
2024-25 അദ്ധ്യയന വര്ഷത്തെ പാരാമെഡിക്കല് ഡിഗ്രി കോഴ്സുകളില് പ്രവേശനത്തിനുള്ള ഓണ്ലൈന് സ്പെഷ്യല് അലോട്ട്മെന്റ് നവംബര് 22ന് നടക്കും. www.lbscentre.kerala.gov.in ല് പ്രസിദ്ധീകരിച്ചിട്ടുള്ള റാങ്ക് ലിസ്റ്റില് ഉള്പ്പെട്ട അപേക്ഷകര് 22ന് ഉച്ചയ്ക്ക് 1 മണിക്കകം ഓണ്ലൈനായി പുതിയ ഓപ്ഷനുകള് സമര്പ്പിക്കണം. മുന്പ് സമര്പ്പിച്ച ഓപ്ഷനുകള് പരിഗണിക്കുന്നതല്ല.
മുന് അലോട്ട്മെന്റുകള് വഴി സര്ക്കാര് കോളേജുകള് ഒഴികെ മറ്റ് കോളേജുകളില് പ്രവേശനം നേടിയര് NOC [നിരാക്ഷേപപത്രം] ഓപ്ഷന് രജിസ്ട്രേഷന് സമയത്ത് അപ്ലോഡ് ചെയ്യണം. അലോട്ട്മെന്റ് ലഭിക്കുന്നവര് ഫീസ് അടച്ച് അതത് കോളേജുകളില് 24നകം പ്രവേശനം നേടണം. കൂടുതല് വിവരങ്ങള്ക്ക്: 0471-2560361, 362, 363, 364, www.lbscentre.kerala.gov.in.
