ഡ്രൈവര് രാമചന്ദ്രനും കണ്ടക്ടര് നവാസും സമയോചിതമായി ഇടപെട്ട് കുഞ്ഞിനെ വീട്ടിലെത്തിച്ചതോടെ വലിയ അപകടം ഒഴിവായി. ഗതാഗത മന്ത്രിയും മോട്ടോര് വാഹന വകുപ്പും ജീവനക്കാരെ അഭിനന്ദിച്ചു.
മലപ്പുറം: മലപ്പുറം പുളിക്കലില് റോഡില് മുട്ടിലിഴഞ്ഞ കുഞ്ഞിന്റെ രക്ഷകരായ ബസ് ജീവനക്കാരെ അഭിനന്ദിച്ച് ഗതാഗത മന്ത്രി സി പി ജോണ്. ബസ് ജീവനക്കാരെ ഫോണില് വിളിച്ചാണ് ഗതാഗത മന്ത്രി അഭിനന്ദനം അറിയിച്ചത്. ബസിന്റെ ഡ്രൈവര് രാമചന്ദ്രനെയാണ് മന്ത്രി സി പി ജോണ് ഫോണില് വിളിച്ചത്.
കൊണ്ടോട്ടി പുളിക്കല് റോഡില് വലിയപറമ്പിലില് ഇന്നലെ രാവിലെ എട്ടരയോടെയായിരുന്നു സംഭവം. നടുറോഡില് മുട്ടില് ഇഴയുന്ന പിഞ്ചുകുഞ്ഞിനെ കണ്ട് ഡ്രൈവര് രാമചന്ദ്രന് ബസ് നിര്ത്തുകയായിരുന്നു. ബസില് നിന്ന് ഇറങ്ങിയ കണ്ടക്ടര് നവാസ് കുഞ്ഞിനെ കൈയില് എടുത്ത് വീട്ടില് ഏല്പ്പിച്ചതോടെ വലിയ അപകടം ഒഴിവായി. ബസില് സ്ഥാപിച്ചിരുന്ന സിസിടിവി ക്യാമറകളിലെ ദൃശ്യങ്ങളിലൂടെയാണ് തികച്ചും ഭീതിജനകമായ രംഗം പുറംലോകം അറിയുന്നത്.
