തിരുവനന്തപുരം: വൈദ്യുതി നിയന്ത്രണം ഒഴിവാക്കാന് തല്സമയ വിപണിിയല് നിന്ന് ഉയര്ന്ന വിലക്ക് കെ എസ് ഇ ബി കൂടുതല് വൈദ്യുതി വാങ്ങി. കേന്ദ്ര വൈദ്യുതി നിലയത്തില് നിന്നുള്ള വൈദ്യുതി വിഹിതവും നേരിയ രീതിയില് കൂടി. ഇന്നലെയും നൂറ് ദശലക്ഷം യൂണിറ്റിന് അടുത്തായിരുന്ന ഉപയോഗം. അതേസമയം ഇന്നും വൈദ്യുതി പ്രതിസന്ധിക്ക് പരിഹാരം ആയിട്ടില്ല. അതിനാല് തന്നെ ഇന്നും ഭാഗിക വൈദ്യുതി നിയന്ത്രണത്തിന് സാധ്യതയുണ്ടെന്ന് കെ എസ് ഇ ബി അറിയിച്ചു. വൈകിട്ട് 6.15 നും രാത്രി 12.45 നും ഇടയില് വൈദ്യുതി നിയന്ത്രണം ഉണ്ടാകാമെന്നാണ് കെ എസ് ഇ ബി മുന്നറിയിപ്പ് നല്കിയിരിക്കുന്നത്. കഴിഞ്ഞ രണ്ടുദിവസവും അറിയിപ്പ് നല്കിയിരുന്നെങ്കിലും വൈദ്യുതി നിയന്ത്രണം ഏര്പ്പെടുത്തിയിരുന്നില്ല.
വൈദ്യുതി നിയന്ത്രണം തുടരും
ഇന്നലെ വൈദ്യുതി നിയന്ത്രണ സാധ്യതക്ക് കാരണമായി പറഞ്ഞിരുന്നത് പോലെയായിരുന്നില്ല കാര്യങ്ങള്. പവര് എക്സ്ചേഞ്ചില് നിന്ന് കാര്യമായി വൈദ്യുതി ലഭിച്ചു. ബുധനാഴ്ചത്തേക്കാള് 8 ദശലക്ഷം യൂണിറ്റ് അധികം തല്സമയ വിപണിയില് നിന്ന് വാങ്ങാനായി. തമിഴ്നാട് ഉള്പ്പെടെയുള്ള ദക്ഷിണേന്ത്യന് സംസ്ഥാനങ്ങളില് ഉത്പാദനം കൂടിയതാണ് ഒരു കാരണം. ഗ്രിഡ് വഴി ഷെഡ്യൂള് ചെയ്തതിനേക്കാള് കൂടുതല് വൈദ്യുതി എടുക്കാനുമായി. 78 ദശലക്ഷം യൂണിറ്റിന് അധികം വൈദ്യുതി പുറത്ത് നിന്ന് എത്തിക്കാന് കഴിഞ്ഞു. ഒരു ദശലക്ഷം യൂണിറ്റിന്റെ എങ്കിലും വര്ധന കേന്ദ്രപൂളിലെ വിഹിതത്തിലും ഉണ്ടായി. അതേസമയം ഡയറക്ടര്മാര് ഉള്പ്പെടെ പുറത്ത് പോയി നടത്തുന്ന ചര്ച്ചകളില് ഈ മാസത്തേക്ക് കൂടുതല് വൈദ്യുതി എത്തിക്കാന് ഉള്ള കരാര് എത്തിക്കാനായതായി ധാരണയില്ല. ഈ മാസത്തേക്കുള്ള ഹ്രസ്വകാല കരാര് ഇല്ലെന്ന് ജൂണില് തന്നെ ബോധ്യമായിട്ടും ഇപ്പോള് നടത്തിയത് പോലുള്ള ശ്രമം അന്ന് നടത്തിയിരുന്നില്ല. നിലവിലെ പ്രതിസന്ധിയും കാലാവസ്ഥ പ്രശ്നവും അന്നേ തിരിച്ചറിഞ്ഞതുമാണ്. വരും മാസങ്ങളില് പ്രതിസന്ധി ഒഴിവാക്കാന് ബസ് പ്രോജക്ടുകള് സമയത്ത് തീര്ക്കണമെന്നായിരുന്നു റെഗുലേറ്ററി കമ്മീഷന് നിര്ദേശം. മൈലാട്ടി, മുള്ളേരിയ പ്രോജക്ടുകള് അടുത്തമാസം തീര്ക്കുമെന്നാണ് കെ എസ് ഇ ബി അറിയിച്ചിരിക്കുന്നത്. ശ്രീകണ്ഠാപുരം, അരീക്കോട് പദ്ധതികള് നവംബറില് ആണ് തീര്ക്കേണ്ടത്. പോത്തന്കോട് പ്രോജക്ട് ഡിസംബറില് തീര്ക്കണമെന്ന് കമ്മീഷന് ആവശ്യപ്പെട്ടിട്ടുണ്ട്. സോളാര് വൈദ്യുതി ശേഖരിച്ച് വെക്കാന് സംവിധാനം ഇല്ലാത്തതിനാല് പകല് സമയങ്ങളില് കരാര് പ്രകാരമുള്ള വൈദ്യുതി കെ എസ് ഇ ബി സറണ്ടര് ചെയ്യുകയാണന്ന് കമ്മീഷന് നിരീക്ഷീച്ചിരുന്നു.
