ഏരൂരില് ഇന്സ്റ്റഗ്രാം വഴി പ്രണയം നടിച്ച് 15 വയസ്സുകാരിയെ പീ,ഡി,പ്പിച്ച സംഭവത്തില് 21 കാരന് അറസ്റ്റില്. നെട്ടയത്ത് കോണത്ത് സ്വദേശി അര്ജുന് കൃഷ്ണനാണ് പോലീസ് പിടിയിലായത്. പീഡനത്തിന് ശേഷം പെണ്കുട്ടിയുടെ സ്വകാര്യങ്ങള് ചിത്രങ്ങള് പ്രതി പ്രചരിപ്പിക്കുകയായിരുന്നു.
2024 ല് ഇന്സ്റ്റഗ്രാം വഴി പെണ്കുട്ടിയുമായി അടുപ്പത്തിലായ യുവാവ് അഞ്ചല് തടിക്കാടുള്ള സുഹൃത്തിന്റെ വീട്ടില് കൊണ്ടുപോയാണ് പീ,ഡി,പ്പിച്ചത്. അതിനുശേഷം പെണ്കുട്ടിയുടെ സ്വകാര്യ ദൃശ്യങ്ങള് മൊബൈല് ഫോണില് പകര്ത്തി. പിന്നീട് ഇരുവരും തെറ്റിപ്പിരിഞ്ഞതോടെ ഇതിന്റെ വൈരാഗ്യത്തില് യുവാവ് പെണ്കുട്ടിയുടെ സുഹൃത്തിന്റെ മൊബൈല് ഫോണിലേക്ക് സ്വകാര്യ ചിത്രങ്ങള് അയച്ചു നല്കി. സുഹൃത്ത് വഴി ഇക്കാര്യം പെണ്കുട്ടി അറിഞ്ഞു.
പെണ്കുട്ടിയുടെ മാതാപിതാക്കളുടെ പരാതിയിലാണ് ഏരൂര് പോലീസ് കേസെടുത്തത്. പോലീസ് പെണ്കുട്ടിയുടെ മൊഴി രേഖപ്പെടുത്തി. യുവാവിനെതിരെ പോക്സോ അടക്കമുള്ള വകുപ്പുകള് ചുമത്തിയിട്ടുണ്ട്. കഴിഞ്ഞ ദിവസം നേട്ടയത്തുകോണത്ത് നിന്ന് കസ്റ്റഡിയിലെടുത്ത പ്രതിയെ അറസ്റ്റ് രേഖപ്പെടുത്തി, റിമാന്ഡ് ചെയ്തു.
