മൊഗ്രാല്.നിയമസഭാ തിരഞ്ഞെടുപ്പിന്റെ വോട്ടെണ്ണല് മെയ് 4 ന് നടക്കാനിരിക്കെ സംസ്ഥാനം ഉറ്റുനോക്കുന്നതും, ഇഞ്ചോടിഞ്ച് പോരാട്ടം നടന്നതുമായ മണ്ഡലങ്ങളിലെ വിജയികളെ പ്രവചിക്കാന് മൊഗ്രാല് ദേശീയവേദി ജില്ലയിലെ വോട്ടര്മാര്ക്കായി സംഘടിപ്പിക്കുന്ന പ്രവചന മത്സരത്തിന്റെ കൂപ്പണ് പ്രകാശനം ചെയ്തു.
ജില്ലയിലെ മഞ്ചേശ്വരം, കാസറഗോഡ്,ഉദുമ തൃക്കരിപ്പൂര് മണ്ഡലങ്ങള് ഉള്പ്പെടെ സംസ്ഥാനത്തെ തീപാറും പോരാട്ടം നടക്കുന്ന 30 മണ്ഡലങ്ങളിലെ വിജയികളെയാണ് പ്രവചിക്കേണ്ടത്.
പ്രവചന മത്സര കൂപ്പണ് പ്രകാശനം പ്രവാസി വ്യവസായി അസ്ഫാന് ചൈന നിര്വ്വഹിച്ചു. യുഎഇ കമ്മിറ്റി അംഗം മനാഫ് എല് ടി ഏറ്റുവാങ്ങി.
ചടങ്ങില് പ്രസിഡണ്ട് സിദ്ദീഖ് റഹ്മാന് അധ്യക്ഷത വഹിച്ചു. ജന. സെക്രട്ടറി പി എം മുഹമ്മദ് കുഞ്ഞി ടൈല്സ് സ്വാഗതം പറഞ്ഞു.ഹമീദ് സ്പിക്, അബ്ദുല്ല അബ്ബാസ്, ടി. കെ അന്വര്, എം എ മൂസ, അഷറഫ് സാഹിബ്, ഹമീദ് പെര്വാഡ്,എ.എച്ച് ഇബ്രാഹിം,അബ്ബാസ് നാങ്കി പ്രസംഗിച്ചു. സെക്രട്ടറി ബി എ മുഹമ്മദ്കുഞ്ഞി നന്ദി പറഞ്ഞു.
ഏപ്രില് 30 വരെ പ്രവചന മത്സര കൂപ്പണുകള് സ്വീകരിക്കും.കൂടുതല് പോയിന്റുകള് നേടി വിജയികളാകുന്ന രണ്ടുപേര്ക്ക് ആകര്ഷകമായ സമ്മാനങ്ങള് നല്കും.
കൂപ്പണുകള്ക്ക് 9895457878, 62822 37922 എന്നീ നമ്പറുകളില് ബന്ധപ്പെടാവുന്നതാണ്.
ഫോട്ടോ:മൊഗ്രാല് ദേശീയ വേദി സംഘടിപ്പിക്കുന്ന നിയമസഭാ തെരഞ്ഞെടുപ്പ് പ്രവചന മത്സര കൂപ്പണ് പ്രവാസി വ്യവസായി അസ്ഫാന് ചൈന പ്രകാശനം ചെയ്യുന്നു.
