കേരളം ആരാധിക്കുന്ന ഉമ്മന്ചാണ്ടിയുടെ ചിത്രം നശിപ്പിച്ചത് വേദനാജനകമെന്ന നിലപാടിലാണ് കെപിസിസി നേതൃത്വം
‘ഉമ്മന് ചാണ്ടിയുടെ ചിത്രം നശിപ്പിച്ചത് വേദനാജനകം’; KPCC നേതൃത്വത്തിന് അതൃപ്തി, റിപ്പോര്ട്ട് ഹൈക്കമാന്ഡിന് കൈമാറി
റിപ്പോര്ട്ടര് നെറ്റ്വര്ക്ക്
റിപ്പോര്ട്ടര് നെറ്റ്വര്ക്ക്
തിരുവനന്തപുരം: മുഖ്യമന്ത്രി പദവിയില് വി ഡി സതീശനെ ഉയര്ത്തിക്കാട്ടി നടത്തിയ പ്രതിഷേധ പ്രകടനത്തിനിടെ ഉമ്മന്ചാണ്ടിയുടെ ഫ്ളക്സ് നശിപ്പിച്ചതില് കെപിസിസി നേതൃത്വത്തിന് കടുത്ത അതൃപ്തി. സംഭവത്തില് കെപിസിസി അധ്യക്ഷന് സണ്ണി ജോസഫ് ഹൈക്കമാന്ഡിന് റിപ്പോര്ട്ട് കൈമാറി.
കേരളം ആരാധിക്കുന്ന ഉമ്മന്ചാണ്ടിയുടെ ചിത്രം നശിപ്പിച്ചത് വേദനാജനകമെന്ന നിലപാടിലാണ് കെപിസിസി നേതൃത്വം.
വിഡി സതീശന് അനുകൂലമായ പ്രകടനങ്ങളെ കുറിച്ചും റിപ്പോര്ട്ടില് പരാമര്ശിക്കുന്നുണ്ട്. പ്രകടനങ്ങളും ഫ്ളക്സ് ബോര്ഡ് നശിപ്പിച്ചതും അച്ചടക്കലംഘനമെന്നാണ് റിപ്പോര്ട്ടിലുള്ളത്. കേരളത്തില് നടന്ന സംഭവങ്ങളെക്കുറിച്ച് വിശദമായ റിപ്പോര്ട്ടാണ് കൈമാറിയത്.
കഴിഞ്ഞ ദിവസത്തെ സംഭവങ്ങളില് അടിയന്തരമായി റിപ്പോര്ട്ട് നല്കണമെന്ന് ജില്ലാ കോണ്ഗ്രസ് കമ്മിറ്റികള്ക്ക് കെപിസിസി നിര്ദേശം നല്കിയിരുന്നു. ഹൈക്കമാന്ഡ് നിര്ദേശപ്രകാരമായിരുന്നു നടപടി.
