,
കോണ്ഗ്രസ് മന്ത്രിപ്പട്ടിക ഇന്ന് തന്നെ. ഹൈക്കമന്റ് അംഗീകാരത്തോടെ ഇന്ന് ഗവര്ണ്ണര്ക്ക് കൈമാറും. നാളെ കൈമാറാനായിരുന്നു നേരത്തെയുള്ള തീരുമാനം. ലീഗിന് 5 മന്ത്രിസ്ഥാനം നല്കും. കോണ്ഗ്രസ് മന്ത്രിമാരുടെ കാര്യത്തിലും ഇന്നുതന്നെ ധാരണ ഉണ്ടാകും. ലീഗിന് മന്ത്രിസഭയ്ക്ക് പുറത്ത് ക്യാബിനറ്റ് പദവി കൂടി നല്കാന് സാധ്യതയില്ല. കേരള കോണ്ഗ്രസിന് ഒരു മന്ത്രിസ്ഥാനവും ഡെപ്യൂട്ടി സ്പീക്കര് പദവിയും നല്കും. നാളെ വൈകുന്നേരത്തോടെ ഗവര്ണര്ക്ക് മന്ത്രിമാരുടെ പട്ടിക സമര്പ്പിക്കും.
മുസ്ലിം ലീഗിന് നാല് മന്ത്രിമാര് എന്ന ഫോര്മുല കോണ്ഗ്രസ് നേതൃത്വം നേരത്തെ മുന്നോട്ടുവച്ചതായി സൂചന. എന്നാല് അഞ്ച് മന്ത്രിമാരെന്ന ആവശ്യത്തില് വിട്ടുവീഴ്ചക്കില്ലെന്ന നിലപാടില് ഉറച്ച് നില്ക്കുകയാണ് ലീഗ് നേതൃത്വം. മുഖ്യമന്ത്രിയടക്കം 21 മന്ത്രിമാരാണ് തിങ്കളാഴ്ച അധികാരമേല്ക്കുന്നത്. വകുപ്പുകളും മന്ത്രിമാരും സംബന്ധിച്ച തിരക്കിട്ട കൂടിയാലോചനകള് പുരോഗമിക്കുകയാണ്.ലീഗ് നേതൃത്വവുമായി ചര്ച്ചയ്ക്ക് വി ഡി സതീശന്. നന്ദാവനത്തെ പാണക്കാട് ഹാളിലേക്ക് പുറപ്പെട്ടു.
മുസ്ലിം ലീഗ് കൈവശം വെച്ചിരിക്കുന്ന വിദ്യാഭ്യാസ വകുപ്പ് തിരിച്ചെടുക്കുന്നതിലും കോണ്ഗ്രസില് ആലോചന നടക്കുന്നുണ്ട്. വിദ്യാഭ്യാസ വകുപ്പിന് പകരം, മറ്റൊരു വകുപ്പ് നല്കുന്നതാണ് പരിഗണനയിലുള്ളത്. ചീഫ് വിപ്പ് പദവി വേണ്ടെന്നു വയ്ക്കുന്നതും യുഡിഎഫ് പരിഗണിക്കുന്നുണ്ട്.
മറ്റ് ഘടകകക്ഷികളും തങ്ങള്ക്ക് അര്ഹമായ പ്രധാന വകുപ്പുകള്ക്കായി സമ്മര്ദ്ദം ശക്തമാക്കിയിട്ടുണ്ട്. സി. എം. പി ഇത്തവണ തുറമുഖ വകുപ്പാണ് ആവശ്യപ്പെട്ടിരിക്കുന്നത്. അതേസമയം, ആര്. എസ്. പി മൂന്ന് പ്രധാന വകുപ്പുകളിലാണ് കണ്ണ് വെച്ചിരിക്കുന്നത്. വൈദ്യുതി, ജലവിഭവം, ടൂറിസം വകുപ്പുകള് തങ്ങള്ക്ക് വേണമെന്നാണ് ആര്. എസ്. പിയുടെ ആവശ്യം. കേരള കോണ്ഗ്രസ് ജോസഫ് വിഭാഗവും തങ്ങളുടെ ആവശ്യങ്ങള് മുന്നണിക്ക് മുന്നില് വെച്ചിട്ടുണ്ട്. പൊതുമരാമത്ത് അല്ലെങ്കില് റവന്യൂ വകുപ്പുകളില് ഒന്ന് വേണമെന്നാണ് ജോസഫ് ഗ്രൂപ്പിന്റെ പ്രധാന ഡിമാന്ഡ
