പുതിയ അണക്കെട്ട് അനുവദിക്കില്ലെന്നും കേരള സര്ക്കാരിന്റെ ശ്രമങ്ങള് തടയുമെന്നും സര്ക്കാര് വ്യക്തമാക്കി. നയപ്രഖ്യാപന പ്രസം?ഗത്തിലാണ് പ്രസ്താവന.
ചെന്നൈ: മുല്ലപ്പെരിയാര് അണക്കെട്ടുമായി ബന്ധപ്പെട്ട വിഷയത്തില് കേരളത്തെ വിമര്ശിച്ച് ടിവികെ സര്ക്കാര്. പുതിയ അണക്കെട്ട് അനുവദിക്കില്ലെന്നും കേരള സര്ക്കാരിന്റെ ശ്രമങ്ങള് തടയുമെന്നും സര്ക്കാര് വ്യക്തമാക്കി. നയപ്രഖ്യാപന പ്രസം?ഗത്തിലാണ് പ്രസ്താവന. തമിഴ്നാട് നിയമസഭ സമ്മേളനം തുടങ്ങി. കീഴ്വഴക്കം പിന്തുടര്ന്ന് വിജയ് സര്ക്കാര് നടപടികള് ആരംഭിച്ചത്. ആദ്യം തമിഴ് തായ് വാഴ്ത്താണ് ആലപിച്ചത്. പിന്നാലെ ദേശീയഗാനം ആലപിച്ചു. വന്ദേമാതരം ആലപിച്ചില്ല.
പുതിയ അംഗങ്ങളെ അഭിനന്ദിച്ചാണ് ഗവര്ണര് പ്രസംഗം ആരംഭിച്ചത്. ടിവികെ ജാതിക്കും മതത്തിനും പണത്തിനും അതീതമായ പാര്ട്ടി എന്ന് നയപ്രഖ്യാപനത്തില് ഗവര്ണര് വ്യക്തമാക്കി. പെരിയാര്, അണ്ണാദുരൈ, അംബേദ്കര് എന്നിവരുടെ പേരുകള് നയപ്രഖ്യാപന പ്രസംഗത്തില് ഗവര്ണര് പരാമര്ശിച്ചു. സ്ത്രീകള്ക്കെതിരായ അതിക്രമങ്ങളില് വിട്ടുവീഴ്ചയില്ല.
ഡിഎംകെയ്ക്കെതിരെയും ഗവര്ണര് വിമര്ശനമുന്നയിച്ചു. മുന്സര്ക്കാര് ലഹരിയൊഴുക്ക് തടഞ്ഞില്ല. കുറ്റകൃത്യങ്ങള് പെരുകാന് കാരണം ലഹരിയൊഴുക്ക്. ദ്വിഭാഷനയം തുടരുമെന്ന് നയപ്രഖ്യാപനത്തില് ഗവര്ണര് വ്യക്തമാക്കി. ദേശീയ വിദ്യാഭ്യാസ നയത്തെ ശക്തമായി എതിര്ക്കും. കേന്ദ്രത്തിനെതിരായ വിമര്ശനം ഗവര്ണര് വായിക്കുകയും ചെയ്തു. ത്രിഭാഷനയവുമായി കേന്ദ്രവിഹിതത്തെ ബന്ധിപ്പിക്കുന്നത് അംഗീകരിക്കില്ലെന്ന രാഷ്ട്രീയ നയം വിജയ് സര്ക്കാര് വ്യക്തമാക്കി. സംസ്ഥാനത്തെ ബാധിക്കുന്ന വിഷയങ്ങളില് ദ്രാവിഡ പാര്ട്ടികളുടെ നിലപാട് തന്നെയെന്നും സര്ക്കാര് വ്യക്തമാക്കി
