പൊലീസ് സ്റ്റേഷന് പരിസരങ്ങള് ശുചിയാക്കുകയാണ് ലക്ഷ്യം
സംസ്ഥാനത്തെ പൊലീസ് സ്റ്റേഷന് വളപ്പുകളിലും പരിസരങ്ങളിലും വര്ഷങ്ങളായി കെട്ടിക്കിടക്കുന്ന വാഹനങ്ങള് നീക്കം ചെയ്യുന്നതിനായി സര്ക്കാര് പുതിയ പദ്ധതി ആവിഷ്കരിക്കുമെന്ന് അറിയിച്ച് ആഭ്യന്തരമന്ത്രി രമേശ് ചെന്നിത്തല. സ്പേസ് (SPACE – Scrap Processing for Area Cleanup and Enhancement) എന്ന പേരില് നടപ്പാക്കുന്ന ഈ പദ്ധതിയിലൂടെ പൊലീസ് സ്റ്റേഷന് പരിസരങ്ങള് ശുചിയാക്കുകയാണ് ലക്ഷ്യം.
കേരള പോലീസ് ഹൗസിംഗ് ആന്ഡ് കണ്സ്ട്രക്ഷന് കോര്പ്പറേഷന് ലിമിറ്റഡിന്റെ നേതൃത്വത്തില്, കേന്ദ്ര പൊതുമേഖലാ സ്ഥാപനമായ ‘സീറോ’ യുമായി സഹകരിച്ചാണ് പദ്ധതി നടപ്പിലാക്കുന്നത്. ‘റീക്ലെയിം, റിന്യൂ, റിവൈവ്’ എന്ന ടാഗ്ലൈനോടെയുള്ള ഈ പദ്ധതിക്കായി സംസ്ഥാന പൊലീസ് മേധാവി ചെയര്മാനും കെ.പി.എച്ച്.സി.സി മാനേജിംഗ് ഡയറക്ടര് അംഗവുമായുള്ള ഒരു പ്രത്യേക സമിതി രൂപീകരിക്കും.
കേരള പൊലീസ് ഹൗസിംഗ് ആന്ഡ് കണ്സ്ട്രക്ഷന് കോര്പ്പറേഷന് സന്ദര്ശിച്ച് പ്രവര്ത്തനങ്ങള് വിലയിരുത്തിയ ശേഷം മാധ്യമങ്ങളോട് സംസാരിക്കവെയാണ് രമേശ് ചെന്നിത്തല പുതിയ പദ്ധതിയെക്കുറിച്ച് വ്യക്തമാക്കിയത്.
