അന്ത്യോദയ അന്നയോജന വഴി നല്കുന്ന ഭക്ഷ്യ ധാന്യത്തിന് നിയന്ത്രണം ഏര്പ്പെടുത്താനൊരുങ്ങി സര്ക്കാര്. ഇതിനായി 2013ലെ ഭക്ഷ്യഭദ്രതാ നിയമം ഭേദഗതി ചെയ്യാനാണ് നീക്കം. മഞ്ഞ കാര്ഡുള്ള കുടുംബത്തില് ഒരാള്ക്കുള്ള ധാന്യം 7 കിലോ ആയി കുറയ്ക്കാനാണ് നിര്ദ്ദേശം.
ദില്ലി: ഏറ്റവും ദരിദ്രരായ കുടുംബങ്ങള്ക്കു വേണ്ടിയുള്ള അന്ത്യോദയ അന്നയോജന വഴി നല്കുന്ന ഭക്ഷ്യ ധാന്യത്തിന് നിയന്ത്രണം ഏര്പ്പെടുത്താനൊരുങ്ങി സര്ക്കാര്. ഇതിനായി 2013ലെ ഭക്ഷ്യഭദ്രതാ നിയമം ഭേദഗതി ചെയ്യാനാണ് നീക്കം. മഞ്ഞ കാര്ഡുള്ള കുടുംബത്തില് ഒരാള്ക്കുള്ള ധാന്യം 7 കിലോ ആയി കുറയ്ക്കാനാണ് നിര്ദ്ദേശം. നിലവില് ഓരോ അന്ത്യോദയ കുടുംബത്തിനും അംഗങ്ങളുടെ എണ്ണം പരിഗണിക്കാതെ പ്രതിമാസം 35 കിലോ സൗജന്യ ഭക്ഷ്യധാന്യം നല്കുന്ന രീതി മാറും. പകരം ഓരോ അംഗത്തിനും 7 കിലോഗ്രാം വീതം നല്കും. എന്നാല് ഒരു കുടുംബത്തിനു ലഭിക്കാവുന്ന പരമാവധി ഭക്ഷ്യധാന്യം 35 കിലോ തന്നെയായി തുടരും. അതേസമയം നിയമഭേദഗതിയെ എതിര്ക്കുമെന്ന് പ്രതിപക്ഷ എംപിമാര് വ്യക്തമാക്കി. ഇത് രണ്ടാം തവണയാണ് കേന്ദ്രം നിയമത്തില് ഭേദഗതി ചെയ്യാനൊരുങ്ങുന്നത്. 2017ലും സമാന ഭേദഗതിക്ക് കരട് പുറത്തിറക്കിയിരുന്നു.
ദരിദ്ര കുടുംബങ്ങള്ക്കു വേണ്ടിയുള്ള അന്ത്യോദയ അന്നയോജന; ഭക്ഷ്യ ധാന്യത്തിന് നിയന്ത്രണം ഏര്പ്പെടുത്താനൊരുങ്ങി കേന്ദ്ര സര്ക്കാര്
