കൊച്ചിക്ക് ഇനി മെട്രോ വക ഇലക്ട്രിക്ക് ബസുകളും. പ്രധാന സ്റ്റോപ്പുകളെ തമ്മില് ബന്ധിപ്പിക്കുന്ന സര്വീസുകള് അടുത്തയാഴ്ച മുതല് പ്രവര്ത്തനം ആരംഭിക്കും. ബസ് സര്വീസുകളുടെ ട്രയല് റണ്ണും നടത്തി. വിവിധ മെട്രോ സ്റ്റേഷന് കേന്ദ്രീകരിച്ചാണ് ഇലക്ട്രിക് ബസുകളുടെ സര്വീസ് നടക്കുക. മെട്രോ ഉപഭോക്താക്കളുടെ സൗകര്യപ്രദമായ യാത്രയാണ് ലക്ഷ്യം. കൊച്ചി മെട്രോ സ്റ്റേഷനിലേക്കുള്ള കണക്ടിവിറ്റി വര്ദ്ധിപ്പിക്കാനുള്ള നീക്കത്തിന്റെ ഭാഗമായാണ് 15 ഇലക്ട്രിക്ക് ബസുകള് സര്വീസ് നടത്തുന്നത്.
മുട്ടം- കലൂര്- വൈറ്റില – ആലുവ എന്നിവിടങ്ങളില് ചാര്ജിങ് സ്റ്റേഷനുകള് ഉണ്ടാകും. ഡിജിറ്റല് പെയ്മെന്റ് വഴിയും യാത്രക്കാര്ക്ക് ടിക്കറ്റ് എടുക്കാം. കൊച്ചി എയര്പോര്ട്ട്, കളമശ്ശേരി , ഇന്ഫോപാര്ക്ക്, കളക്ടറേറ്റ്, ഹൈക്കോര്ട്ട്, കടവന്ത്ര എന്നീ റൂട്ടുകളില് എല്ലാം ബസുകള് വിന്യസിക്കും. രാവിലെ 9 മണി മുതല് വൈകിട്ട് 7 മണി വരെയാണ് ഇലക്ട്രിക്ക് ബസുകളുടെ സര്വീസ് ഉണ്ടായിരിക്കുക.
