ഭര്ത്താവ് ശാരീരികമായി ഉപദ്രവിച്ചതിന്റെ ദൃശ്യങ്ങള് ആരതി അമ്മയ്ക്ക് അയച്ചുനല്കിയിരുന്നു
തിരുവനന്തപുരം: ആറ്റുകാലില് വാടകവീട്ടില് യുവതിയെ തൂങ്ങി മരിച്ച നിലയില് കണ്ടെത്തി. വര്ക്കല സ്വദേശിനി ആരതി(26)യെയാണ് മരിച്ച നിലയില് കണ്ടെത്തിയത്. ഭര്ത്താവിന്റെ പീഡനത്തെ തുടര്ന്നാണ് യുവതി ജീവനൊടുക്കിയതെന്ന് കുടുംബം ആരോപിച്ചു.
ഒന്നരവര്ഷം മുന്പായിരുന്നു ആരതിയുടേയും അതുലിന്റേയും വിവാഹം. ഇരുവരും തമ്മില് വഴക്ക് പതിവായിരുന്നുവെന്ന് ബന്ധുക്കളും നാട്ടുകാരും പറയുന്നു. മൃതദേഹത്തിന്റെ ഇന്ക്വസ്റ്റ് നടപടികള് പുരോഗമിക്കുകയാണ്.
പ്രശസ്ത തമിഴ് നടനും സംവിധായകനുമായ കെ ഭാഗ്യരാജ് അന്തരിച്ചു
അന്പത് പവന് സ്വര്ണം വിവാഹ സമയത്ത് കുടുംബം ആരതിക്ക് നല്കിയിരുന്നു. അതുല് പലഘട്ടത്തിലായി ഇത് പണയം വെയ്ക്കുകയും ഏറ്റവും ഒടുവില് എട്ട് ലക്ഷം രൂപയ്ക്ക് സ്വര്ണം വില്ക്കുകയും കാര് വാങ്ങുകയും ചെയ്തിരുന്നു. ഇതെല്ലാം ഇരുവരും തമ്മിലുള്ള വഴക്കിന് കാരണമായിരുന്നു. പിന്നീട് പണം ആവശ്യപ്പെട്ടും അതുല് ആരതിയെ ഉപദ്രവിച്ചിരുന്നതായി കുടുംബം ആരോപിച്ചു. ഭര്ത്താവ് ശാരീരികമായി ഉപദ്രവിച്ചതിന്റെ ദൃശ്യങ്ങള് ആരതി അമ്മയ്ക്ക് അയച്ചുനല്കിയിരുന്നു.
ഇന്നലെ രാത്രി അതുലും ആരതിയും വഴക്കുണ്ടാക്കിയിരുന്നു. പിന്നാലെ അതുല് വീട്ടില് നിന്നും ഇറങ്ങിയതോടെ അതുല്യ ജീവനൊടുക്കുകയായിരുന്നുവെന്നാണ് വിവരം.
