കണ്ണൂര്, കാസര്കോട് ജില്ലകളില് ഇന്ന് ഓറഞ്ച് അലര്ട്ടും, എറണാകുളം മുതല് വയനാട് വരെയുള്ള ജില്ലകളില് യെല്ലോ അലര്ട്ടും പ്രഖ്യാപിച്ചു. ശക്തമായ കാറ്റിനും സാധ്യതയുള്ളതിനാല് ജാഗ്രത പാലിക്കണം.
തിരുവനന്തപുരം: സംസ്ഥാനത്തെ വടക്കന് ജില്ലകളില് ഇന്നും അതിശക്തമായ മഴ തുടരാന് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് മുന്നറിയിപ്പ് നല്കി. കണ്ണൂര്, കാസര്കോട് ജില്ലകളില് ഇന്ന് ഓറഞ്ച് അലര്ട്ടും, എറണാകുളം മുതല് വയനാട് വരെയുള്ള ജില്ലകളില് യെല്ലോ അലര്ട്ടും പ്രഖ്യാപിച്ചിട്ടുണ്ട്. മഴയ്ക്കൊപ്പം മണിക്കൂറില് 40 മുതല് 50 കിലോമീറ്റര് വരെ വേഗതയില് വീശിയടിക്കാവുന്ന ശക്തമായ കാറ്റിനും സാധ്യതയുള്ളതിനാല് ജാഗ്രത പാലിക്കണം. മോശം കാലാവസ്ഥയും കടല് പ്രക്ഷുബ്ധമാകാനും സാധ്യതയുള്ളതിനാല് കേരള തീരത്ത് മത്സ്യബന്ധനത്തിനുള്ള വിലക്ക് തുടരുകയാണ്. വരും ദിവസങ്ങളിലും മഴ ശക്തമായിരിക്കുമെന്നും നാളെ കോഴിക്കോട്, കണ്ണൂര്, കാസര്കോട് ജില്ലകളില് ഓറഞ്ച് അലര്ട്ട് പ്രഖ്യാപിച്ചിട്ടുണ്ടെന്നും കാലാവസ്ഥ വകുപ്പ് വ്യക്തമാക്കി.
വടക്കന് കേരളത്തില് അതിശക്തമായ മഴ; രണ്ടിടത്ത് ഇന്ന് ഓറഞ്ച് അലര്ട്ട്
