പ്രതിപക്ഷവും പദ്ധതി അംഗീകരിച്ചു. പദ്ധതി സ്ത്രീകളുടെ ജീവിതത്തില് ഗുണപരമായ മാറ്റങ്ങള് വരുത്തി. മറ്റ് ബസുകളിലേക്ക് വ്യാപിപ്പിക്കുന്നതിനെക്കുറിച്ച് ആലോചനയില്ലെന്നും അദ്ദേഹം കൂട്ടിച്ചേര്ത്തു.
തിരുവനന്തപുരം: ‘പ്രിയദര്ശിനി’ പദ്ധതി ഒരു മാസം പിന്നിടുംമ്പോള് സര്ക്കാറിന് പൂര്ണ്ണ തൃപ്തിയുണ്ടെന്ന് ഗതാഗതമന്ത്രി സി.പി. ജോണ്. ഏഷ്യാനെറ്റ് ന്യൂസിന്റെ ‘നമസ്തേ കേരളം’ പരിപാടിയില് സംസാരിക്കുകയായിരുന്നു അദ്ദേഹം. മറ്റൊരു സര്ക്കാര് പദ്ധതിയും ജനങ്ങള് ഇത്രയും സന്തോഷത്തോടെ ഈ അടുത്ത കാലത്ത് ഏറ്റെടുത്തിട്ടില്ല.പദ്ധതി സ്ത്രീകളുടെ ജീവിതത്തില് ഗുണപരമായ മാറ്റങ്ങള് വരുത്തി. സ്ത്രീകളുടെ കുടുംബ ബജറ്റിനെ തന്നെ മാറ്റി മറിച്ചു. പൊതുജനങ്ങള് പദ്ധതിയെ ഇരു കൈയും നീട്ടി സ്വീകരിച്ചതിനൊപ്പം പ്രതിപക്ഷവും പദ്ധതി അംഗീകരിച്ചുവെന്ന് മന്ത്രി പറഞ്ഞു.
അതേസമയം, പ്രിയദര്ശിനി പദ്ധതി നിലവില് മറ്റ് ബസുകളിലേക്ക് വ്യാപിപ്പിക്കുന്നതിനെക്കുറിച്ച് ആലോചനയില്ലെന്നും അദ്ദേഹം കൂട്ടിച്ചേര്ത്തു. സംസ്ഥാനത്തെ ഗതാഗത മേഖലയില് സമഗ്രമായ മാറ്റങ്ങള് ലക്ഷ്യമിട്ടുള്ള പുതിയ ഗതാഗത നയം ഉടന് തന്നെ പ്രഖ്യാപിക്കുമെന്നും സി.പി. ജോണ് അഭിമുഖത്തില് വ്യക്തമാക്കി.
