സംസ്ഥാനത്തെ സ്വര്‍ണവില വീണ്ടും ഉയരുകയാണ്. മാര്‍ച്ച് 1 മുതല്‍ ഒരേ നിരക്കില്‍ തുടര്‍ന്ന വിപണിയില്‍ ഇന്നലെ 560 രൂപയുടെ വര്‍ദ്ധനവുണ്ടായിരുന്നു. ഇന്ന് സ്വര്‍ണം ഗ്രാമിന് 55 രൂപയും പവന് 440 രൂപയുമാണ് വര്‍ദ്ധിച്ചത്. ഇന്ന് 64,520 രൂപയാണ് ഇന്ന് ഒരു പവന് സ്വര്‍ണത്തിന് നല്‍കേണ്ടത്. ഒരു ഗ്രാം സ്വര്‍ണത്തിന്റെ വില വീണ്ടും 8000 കടന്നു. 8,065 രൂപയാണ് ഇന്ന് ഒരു ഗ്രാമിന് നല്‍കേണ്ടത്. മാര്‍ച്ച് മാസം ആരംഭിച്ചതിന് രണ്ട് ദിവസത്തിനിടെ ആയിരം രൂപ വര്‍ദ്ധിക്കുന്നത് ഇതാദ്യമായാണ്. ഇന്നത്തെ വര്‍ദ്ധനവോടെ ഈ മാസത്തെ ഏറ്റവും ഉയര്‍ന്ന നിരക്കിലാണ് സ്വര്‍ണ വിപണി.
അതേസമയം വെള്ളിവിലയും കൂടിയിട്ടുണ്ട്. 106.10 രൂപയാണ് ഒരു ഗ്രാം വെള്ളിക്ക് നല്‍കേണ്ടത്.1,06,100 രൂപയാണ് ഒരു കിലോ വെള്ളിയുടെ വില. രാജ്യാന്തര വിപണിയിലെ ചലനങ്ങള്‍ക്ക് അനുസരിച്ചാണ് രാജ്യത്ത് സ്വര്‍ണവില നിശ്ചയിക്കപ്പെടുന്നത്. ഡോളര്‍ – രൂപ വിനിമയ നിരക്ക്, ഇറക്കുമതി തീരുവ എന്നിവയും സ്വര്‍ണവിലയെ സ്വാധീനിക്കുന്ന ഘടകങ്ങളാണ്.
