സര്വീസ് പൂര്ണ തോതില് സാധാരണ നിലയിലാവാന് 2026 ഫെബ്രുവരി വരെ സമയമെടുക്കുമെന്നാണ് ഇന്ഡിഗോ അറിയിച്ചിരിക്കുന്നത്
കൊച്ചി: ഇന്ഡിഗോ പ്രതിസന്ധി തുടരുന്നു. ഇന്നും വിമാന സര്വീസുകള് മുടങ്ങും. സര്വീസുകളുടെ എണ്ണം കുറയ്ക്കുമെന്ന് ഇന്ഡിഗോ അറിയിച്ചു. പുതിയ ക്രൂ ഡ്യൂട്ടി ടൈം ചട്ടം നടപ്പാക്കുന്നതില് ഇന്ഡിഗോയ്ക്ക് വന്ന വീഴ്ച്ചയാണ് നിലവിലെ പ്രതിസന്ധിക്ക് കാരണം. ഡിസംബര് എട്ട് മുതല് സര്വീസുകള് വെട്ടിക്കുറയ്ക്കുമെന്നും സര്വീസ് പൂര്ണ തോതില് സാധാരണ നിലയിലാവാന് 2026 ഫെബ്രുവരി 10 വരെ സമയമെടുക്കുമെന്നും ഇന്ഡിഗോ ഡിജിസിഎയെ അറിയിച്ചു. നെടുമ്പാശേരിയില് നിന്നുളള പല വിമാനങ്ങളും റദ്ദാക്കിയതിന് പിന്നാലെ വിമാനത്താവളത്തില് യാത്രക്കാരുടെ പ്രതിഷേധമുണ്ടായി.
യാത്രക്കാരോട് ഖേദം പ്രകടിപ്പിച്ച് ഇന്ഡിഗോ രംഗത്തെത്തിയിരുന്നു. ഉപയോക്താക്കളോടും വ്യവസായ പങ്കാളികളോടും ക്ഷമ ചോദിക്കുന്നുവെന്നും ഷെഡ്യൂള് ചെയ്ത വിമാനങ്ങളുടെ മാറ്റങ്ങളെക്കുറിച്ച് ഉപയോക്താക്കളെ അറിയിക്കുമെന്നും ഇന്ഡിഗോ വ്യക്തമാക്കിയിരുന്നു. വിമാനത്താവളത്തിലേക്ക് പോകുന്നതിന് മുന്പ് യാത്രക്കാര് ഇന്ഡിഗോയുടെ വെബ്സൈറ്റിലെ സ്റ്റാറ്റസ് പരിശോധിക്കണമെന്നും യാത്രക്കാര്ക്കുണ്ടായ അസൗകര്യത്തില് ഖേദിക്കുന്നുവെന്നും ഇന്ഡിഗോ എക്സ് പോസ്റ്റില് പറഞ്ഞു.
