പയ്യന്നൂരില്‍ സ്വത്ത് തര്‍ക്കം: മകന്‍ പിതാവിന്റെ കാല്‍ തല്ലിയൊടിച്ചു

പയ്യന്നൂര്‍: കുടുംബസ്വത്ത് ഭാഗം വെക്കുന്നതിനെ ചൊല്ലിയുള്ള തര്‍ക്കത്തിനിടെ വയോധികനായ പിതാവിന്റെ കാല്‍ മരവടി കൊണ്ട് അടിച്ചു തകര്‍ത്ത യുവാവ് അറസ്റ്റിലായി. കെ.വി.അനൂപ് (30) ആണ് അറസ്റ്റിലായത്. പയ്യന്നൂര്‍ എസ്.ഐ പി.യദുകൃഷ്ണനാണ് പ്രതിയെ അറസ്റ്റ് ചെയ്തത്.
സംഭവം നടന്നത് മെയ് മാസം 18-ാം തീയതി ഞായറാഴ്ച വൈകുന്നേരം 5.30-ഓടെ കല്ലേറ്റുംകടവിലെ വീടിനോട് ചേര്‍ന്ന കടവരാന്തയില്‍ വെച്ചായിരുന്നു. സ്വത്ത് ഭാഗം വെക്കാന്‍ വിസമ്മതിച്ചതിലുള്ള വിരോധം മൂലം അനൂപ് പിതാവായ കെ.അമ്പുവിന്റെ (76) ഇടത് കാല്‍മുട്ട് മരവടി കൊണ്ട് അടിച്ചു തകര്‍ക്കുകയായിരുന്നു. ഗുരുതരമായി പരിക്കേറ്റ അമ്പു പയ്യന്നൂര്‍ സഹകരണ ആശുപത്രിയില്‍ ചികിത്സയിലാണ്.