കൊച്ചി: ഹേമ കമ്മറ്റിയുടെ രൂപീകരണത്തിനെതിരെ ഹൈക്കൊടതിയില് ഹര്ജി. കമ്മറ്റി നിയമവിരുദ്ധം എന്നാരോപിച്ചണ് ഹര്ജി നല്കിയിരിക്കുന്നത്. സിനിമയുമായി ബന്ധപ്പെട്ട കാര്യങ്ങളില് നടപടി സ്വീകരിക്കേണ്ടത് കേന്ദ്രസര്ക്കാരാണെന്നും സംസ്ഥാന സര്ക്കാരിന് ഇത്തരമൊരു നടപടിക്ക് അധികാരമില്ലെന്നും ഹര്ജിയില് പറയുന്നു. കമ്മറ്റിയുടെ രൂപീകരണം നിയമവിരുദ്ധമെന്ന് പ്രഖ്യാപിക്കണമെന്നും റിപ്പോര്ട്ടിന്റെ അടിസ്ഥാനത്തില് തുടര്നടപടി പാടില്ലെന്നുമാണ് ഹര്ജിയിലെ ആവശ്യം. അഡ്വ ആര്പി രമേശ് അഡ്വ കെ രാംകുമാര് മുഖേനയാണ് ഹര്ജി നല്കിയത്.
ഹേമ കമ്മിറ്റി റിപ്പോര്ട്ടില് സര്ക്കാരിനെതിരെ അതിരൂക്ഷ വിമര്ശനവുമായി ഹൈക്കോടതി രം?ഗത്തെത്തിയിരുന്നു. ഹേമ കമ്മിറ്റി റിപ്പോര്ട്ടുമായി ബന്ധപ്പെട്ട ഹര്ജികള് പരിഗണിക്കുന്നതിനായുള്ള പ്രത്യേക ഡിവിഷന് ബെഞ്ചിന്റെ ആദ്യ സിറ്റിങിലാണ് സര്ക്കാരിനെതിരെ ആഞ്ഞടിച്ചത്. എന്തുകൊണ്ട് ഇത്രയും കാലം സര്ക്കാര് ഹേമ കമ്മീഷന് റിപ്പോര്ട്ടില് മൗനം പാലിച്ചുവെന്ന് ഹൈക്കോടതി ഡിവിഷന് ബെഞ്ച് ചോദിച്ചു.
പ്രത്യേക അന്വേഷണ സംഘത്തിനാണ് ഹേമ കമ്മിറ്റി റിപ്പോര്ട്ടിന്റെ പൂര്ണ രൂപം കൈമാറേണ്ടതെന്നും അതിനുശേഷമെ മുദ്രവെച്ച കവറിലുള്ള പൂര്ണ റിപ്പോര്ട്ട് തങ്ങള് തുറക്കുവെന്നും ഹൈക്കോടതി വ്യക്തമാക്കി. തുടര് നടപടിയെടുത്തോയെന്നത് അടുത്ത സിറ്റിങില് പരിശോധിക്കുമെന്നും എസ്ഐടി തിരക്കിട്ട് നടപടികളിലേക്ക് കടക്കരുതെന്നും ഓഡിയോ സന്ദേശങ്ങള് റിപ്പോര്ട്ടിന്റെ ഭാഗമാണെങ്കില് അത് ഹാജരാക്കണമെന്നും ഹൈക്കോടതി വ്യക്തമാക്കി.
ഹേമ കമ്മിറ്റി റിപ്പോര്ട്ട് പുറത്തുവരുന്നതിനെതിരെ നിര്മാതാവ് സജിമോന് പാറയില് നല്കിയ അപ്പീല് ഹര്ജിക്ക് നിലവില് പ്രസക്തിയില്ലെന്ന് എ ജി ഹൈക്കോടതിയെ അറിയിച്ചു. എന്നാല് ഹര്ജിയില് ഉന്നയിച്ച നിയമ വശങ്ങള് പരിശോധിക്കപ്പെടേണ്ടതല്ലെ എന്ന് കോടതി തിരിച്ചു ചോദിച്ചു. രഹസ്യസ്വഭാവമുള്ളവ പ്രസിദ്ധീകരിക്കാന് വിവരാവകാശ കമ്മീഷനാകുമോയെന്നും കോടതി ചോദിച്ചു.
ഐസിസി നടപ്പാക്കാത്ത സിനിമ യൂണിറ്റുകള്ക്കെതിരെ നടപടി എടുത്തിട്ടുണ്ടെന്ന് സംസ്ഥാന വനിതാ കമ്മീഷനും ഹൈക്കോടതിയെ അറിയിച്ചു. ജസ്റ്റിസ് എകെ ജയശങ്കരന് നമ്പ്യാര്, ജസ്റ്റിസ് സിഎസ് സുധ എന്നിവരടങ്ങിയ ബെഞ്ചാണ് ഹര്ജികളില് വാദം കേട്ടത്. ഹേമ കമ്മിറ്റി റിപ്പോര്ട്ടിന്റെ അടിസ്ഥാനത്തില് കേസെടുക്കുക, അന്വേഷണം സിബിഐക്ക് കൈമാറുക തുടങ്ങിയ ആവശ്യങ്ങള് ഉന്നയിച്ചുളള വിവിധ ഹര്ജികളാണ് പ്രത്യേക ബെഞ്ചിന് മുന്നിലുളളത്.