റെജി ലൂക്കോസിനെ ബിജെപി സംസ്ഥാന വക്താവായി നിയമിച്ചു
തിരുവനന്തപുരം: റെജി ലൂക്കോസിനെ ബിജെപിയുടെ സംസ്ഥാന വക്താവായി നിയമിച്ചു. സംസ്ഥാന അധ്യക്ഷന് രാജീവ് ചന്ദ്രശേഖറാണ് നിയമിച്ചത്. സിപിഐഎം സഹയാത്രികനായിരുന്ന റെജി ലൂക്കോസ് കഴിഞ്ഞ മാസമാണ് ബിജെപിയില് ചേര്ന്നത്.
ജനുവരി എട്ടിനാണ് റെജി ലൂക്കോസ് ബിജെപിയില് ചേര്ന്നത്. ദ്രവിച്ച ആശയങ്ങളുമായി മുന്നോട്ട് പോയാല് കേരളം വൃദ്ധ സദനമാകുമെന്നായിരുന്നു ബിജെപിയില് ചേര്ന്നതിന് ശേഷം റെജി ലൂക്കോസിന്റെ പ്രതികരിച്ചത്. സിപിഐഎം വര്ഗീയ വിഭജനത്തിന് ശ്രമിക്കുന്നുവെന്നും റെജി ലൂക്കോസ് പറഞ്ഞിരുന്നു.
‘ഞാന് ഏകദേശം 35 വര്ഷത്തോളം ഇടതുപക്ഷത്തോടൊപ്പമായിരുന്നു. കഴിഞ്ഞ 13 വര്ഷമായി കേരളത്തിലെ ടിവി ചാനലുകളില് സംവാദങ്ങളില് പങ്കെടുക്കുന്നുണ്ട്. ആശയപരമായ മാറ്റമാണ്. ദ്രവിച്ച ആശയങ്ങളുമായി മുന്നോട്ട് പോയാല് നമ്മുടെ നാട് വൃദ്ധസദനമായി മാറും. രാഷ്ട്രീയ യുദ്ധത്തിനല്ല താല്പര്യം. ബിജെപിയുടെ ദേശീയ നേതൃത്വം പകര്ന്നു തരുന്ന വികസനവും ആശയവും എന്നെ ഞെട്ടിച്ചു. കേരളത്തില് സിപിഐഎം വര്ഗീയ വിഭജനത്തിന് ശ്രമിക്കുകയാണ്’, എന്നാണ് റെജി ലൂക്കോസ് പറഞ്ഞത്.
