കെ ടെറ്റ് ഇല്ലാത്ത ഉന്നത വിദ്യാഭ്യാസ യോഗ്യതയുള്ളവര്ക്ക് ശമ്പളം നല്കും. 2025 സെപ്തംബര് 1 നു മുന്പ് നിയമനം ലഭിച്ചവര്ക്കാണ് ഇളവ്. കെ ടെറ്റ് ഇല്ലാത്ത അധ്യാപകരെ സ്ഥിരപ്പെടുത്താനും മന്ത്രിസഭാ യോഗം തീരുമാനിച്ചതായി ശിവന്കുട്ടി പറഞ്ഞു. രണ്ടു വര്ഷത്തിനുള്ളില് കെ ടെറ്റ് നേടിയാല് മതി. കെ ടെറ്റ് ഇല്ലാത്തത് സ്ഥാനക്കയറ്റത്തെ ബാധിക്കുന്നത് ഒഴിവാക്കും. കെ ടെറ്റില് നിയമോപദേശം തേടുമെന്നും സുപ്രീം കോടതി വിധി അനുസരിച്ചായിരിക്കും അന്തിമ തീരുമാനമെന്നും ശിവന്കുട്ടി പറഞ്ഞു.
നെറ്റ്, സെറ്റ്, എം.ഫില്, പി.എച്ച്.ഡി. എന്നിവ ഉള്ള എല്ലാവര്ക്കും ശമ്പള സ്കെയിലില് താല്ക്കാലിക അപ്രൂവല് നല്കും. ഈ അധ്യാപകരുടെ സ്ഥാനക്കയറ്റം അഡ്വക്കറ്റ് ജനറലിന്റെ നിയമോപദേശം തേടിയതിനുശേഷം. എയ്ഡഡ് സ്കൂളുകളിലെ അധ്യാപക നിയമനത്തിലെ ഭിന്നശേഷി സംവരണത്തിലും സര്ക്കാര് തീരുമാനമായി. ഭിന്നശേഷി സംവരണത്തിലെ സുപ്രീംകോടതി വിധി എല്ലാ മാനേജ്മെന്റുകള്ക്കും ബാധകമായിരിക്കുമെന്നും ഇതുസംബന്ധിച്ച് എജിയുടെ നിയമോപദേശം ലഭിച്ചുവെന്നും വിദ്യാഭ്യാസ മന്ത്രി വി ശിവന്കുട്ടി വാര്ത്താസമ്മേളനത്തില് അറിയിച്ചു.
