ഇനിയും പേരിട്ടിട്ടില്ലാത്ത 251-ാം ചിത്രത്തിലെ സുരേഷ് ഗോപിയുടെ ലുക്ക് പുറത്തിറങ്ങി. നിലവില് വര്ക്കിംഗ് ടൈറ്റിലായ SG251 എന്ന പേരാണ് നല്കിയിരിക്കുന്നത്. ഒരു വാച്ച് മെക്കാനിക്കിന്റെ റോള് എന്ന സൂചന നല്കുന്നതാണ് പുതിയ പോസ്റ്റ്.
മലയാളത്തിന്റെ ആക്ഷന് കിങ് സുരേഷ് ഗോപിയുടെ പിറന്നാള് ദിനത്തോടനുബന്ധിച്ചാണ് താരത്തിന്റെ 251-ാമത് ചിത്രത്തിന്റെ ക്യാരക്ടര് ലുക്ക് പുറത്ത് വിട്ടിരിക്കുന്നത് എന്ന് അണിയറ പ്രവര്ത്തകര് പറഞ്ഞു. മാസ് ലുക്കില് നരച്ച താടിയുമായി വാച്ച് നന്നാക്കുന്ന രീതിയില് ഇരിക്കുന്ന സുരേഷ് ഗോപിയാണ് പോസ്റ്ററില്. മമ്മൂട്ടി, മോഹന്ലാല് ഉള്പ്പെടെ മലയാളത്തിലെ മുന്നിര താരങ്ങളുടെ സോഷ്യല് മീഡിയ അക്കൗണ്ടുകളിലൂടെയാണ് പുതിയ ചിത്രത്തിന്റെ പോസ്റ്റര് അണിയറ പ്രവര്ത്തകര് പുറത്ത് വിട്ടത്. ചിത്രം ആരാധകരില് വന് ആവേശം ഉണ്ടാക്കും എന്ന് സൂചന സോഷ്യല് മീഡിയയില് നിന്നും ലഭിച്ചുകഴിഞ്ഞു. ചിത്രം മാസ് ആക്ഷന് സിനിമയായിരിക്കുമെന്നുറപ്പാണ്. ചിത്രത്തിന്റെ കൂടുതല് വിവരങ്ങളോ അഭിനേതാക്കളുടെ പേരോ ഒന്നും വെളിപ്പെടുത്തിയട്ടില്ല.
എത്തിറിയല് എന്റര്ടെയിന്മെന്റ്സിന്റെ ബാനറില് നിര്മിക്കുന്ന ചിത്രം സംവിധാനം ചെയ്യുന്നത് രാഹുല് രാമചന്ദ്രന് ആണ്. സമീന് സലീമാണ് ചിത്രത്തിന്റെ തിരക്കഥ തയ്യാറാക്കുന്നത്. പ്രൊഡക്ഷന് കണ്ട്രോളര്- ഡിക്സന് പൊഡുത്താസ്, സ്റ്റില്സ്- ഷിജിന് പി രാജ്, ക്യാരക്ടര് ഡിസൈന്- സേതു ശിവാനന്ദന്, മാര്ക്കറ്റിംഗ് പി.ആര്- വൈശാഖ് സി വടക്കേവീട്, പോസ്റ്റര് ഡിസൈന്- എസ്.കെ.ഡി ഡിസൈന് ഫാക്ടറി എന്നിവരാണ് മറ്റ് അണിയറ പ്രവര്ത്തകര്. ആഗസ്റ്റ് സിനിമാസാണ് ചിത്രം വിതരണത്തിനെത്തിക്കുന്നത്. , പി.ആര്.ഒ: പി. ശിവപ്രസാദ്
more recommended stories
-
ദേശീയപാതാ നിര്മാണം; മണ്ണിടിച്ചില് ഭീതിയില് കഴിഞ്ഞ ഗൃഹനാഥന് ജീവനൊടുക്കി
ചെര്ക്കള. ദേശീയപാതാ നിര്മാണം നടക്കുന്ന ചെര്ക്കളയില്.
-
യുഎഇയില് കാണാതായിരുന്ന 17 വയസുകാരനെ മരിച്ച നിലയില് കണ്ടെത്തി
നേരത്തെ കുട്ടിയെ കാണാതായതിന് പിന്നാലെ വീട്ടുകാര്.
-
സ്വര്ണവില കുറഞ്ഞു
സംസ്ഥാനത്ത് ഇന്ന് സ്വര്ണവില കുറഞ്ഞു. പവന് 400.
-
എം.ഐ.സി മാസാന്ത മജ്ലിസുന്നൂറിന് ചെങ്കള അബ്ദുല്ല ഫൈസി നേതൃത്വം നല്കി.
ചട്ടഞ്ചാല്: എം ഐ സി മാസാന്ത.