കോഴിക്കോട്:നിപ സമ്പര്ക്കപ്പട്ടികയിലുള്ള അഞ്ച് പേരുടെ പരിശോധനാ ഫലം കൂടി നെഗറ്റീവായെന്ന് ആരോഗ്യ വകുപ്പ് മന്ത്രി വീണാ ജോര്ജ് അറിയിച്ചു. ഇതില് 4 എണ്ണം എന്.ഐ.വി. പൂനയിലും ഒരെണ്ണം കോഴിക്കോട് മെഡിക്കല് കോളജില് പ്രത്യേകമായി സജ്ജമാക്കിയ ലാബിലുമാണ് പരിശോധിച്ചത്. ഇതോടെ 73 പേരുടെ സാമ്പിളുകളാണ് നെഗറ്റീവാണെന്ന് കണ്ടെത്തിയതെന്നും മന്ത്രി പറഞ്ഞു.
അതേസമയം, നിപ രോഗ ബാധ സ്ഥിരീകരിച്ച കോഴിക്കോട് ചാത്തമംഗലത്ത് വവ്വാലുകളെ പിടികൂടി സാമ്പിള് ശേഖരിക്കാനുള്ള ശ്രമങ്ങള് ഇന്ന് തുടങ്ങും. രോഗ ഉറവിടം കണ്ടെത്തുകയാണ് ലക്ഷ്യം.
പൂനെ വൈറോളജി ഇന്സ്റ്റിറ്റിയൂട്ടില് നിന്നുള്ള സംഘമാണ് വവ്വാലുകളെ പിടികൂടുക. മൃഗ സംരക്ഷണ വകുപ്പിലെ ഉദ്യോഗസ്ഥരുടെ സഹായവും ഉണ്ടാകും. രോഗം ബാധിച്ചു മരിച്ച പന്ത്രണ്ടുകാരന്റെ വീട് സ്ഥിതി ചെയ്യുന്ന മുന്നൂരിനടുത്ത് വവ്വാലുകളുടെ ആവാസ കേന്ദ്രങ്ങള് സംഘം കണ്ടെത്തിയിട്ടുണ്ട്. ഇവിടങ്ങളില് വല കെട്ടി രാത്രിയോടെ വവ്വാലുകളെ പിടികൂടാനാകുമെന്നാണ് പ്രതീക്ഷ.മരിച്ച പന്ത്രണ്ടുകാരന്റെ സമ്പര്ക്ക പട്ടികയിലെ 64 പേരാണ് മെഡിക്കല് കോളേജില് നിരീക്ഷണത്തില് കഴിയുന്നത്. കൂടുതല് പേരുടെ പരിശോധനാ ഫലം ഇന്ന് പുറത്ത് വരും.
more recommended stories
-
ഹജ്ജിന്റെ ആത്മാവായ ജീവിത വിശുദ്ധി കൈവരിക്കുക എന്നതാവണം പുണ്യ യാത്രയുടെ ലക്ഷ്യം:കല്ലട്ര മാഹിന് ഹാജി
പള്ളിക്കര: ഹജ്ജിന്റെ ആത്മാവായ ജീവിത വിശുദ്ധി.
-
സ്കൂട്ടറില് കടത്തുകയായിരുന്ന കഞ്ചാവുമായി യുവാവ് അറസ്റ്റില്
കാസര്കോട്: സ്കൂട്ടറില് കടത്തുകയായിരുന്ന കഞ്ചാവുമായി യുവാവിനെ കാസര്കോട്.
-
അനധികൃത ചെങ്കല് കടത്ത് ലോറിയും ജെ സി ബിയും പിടി കൂടി
ജില്ലാ കളക്ടര് കെ. ഇമ്പ ശേഖറിന്റെ.
-
അതിശക്തമായ മഴ! ഇന്ന് രണ്ട് ജില്ലകളില് ഓറഞ്ച് അലര്ട്ട്, എട്ട് ജില്ലകളില് യെല്ലോ അലര്ട്ട്
തിരുവനന്തപുരം: സംസ്ഥാനത്ത് വരും ദിവസങ്ങളില് മഴ.