തിരുവനന്തപുരം കോര്‍പറഷേന്‍ മേയര്‍ ആര്യ രാജേന്ദ്രനെതിരായ വിവാദ പരാമര്‍ശത്തില്‍ കെ മുരളീധരന്‍ എംപിക്കെതിരെ കേസെടുത്തു. മേയറുടെ പരാതിയില്‍ മ്യൂസിയം പൊലീസാണ് കേസെടുത്തത്. നിയമോപദേശം തേടിയ ശേഷം ഐപിസി 354 എ, 509 വകുപ്പുകള്‍ പ്രകാരമാണ് കേസെടുത്തത്.
നഗരസഭയിലെ പ്രതിപക്ഷ പ്രതിഷേധത്തിനിടയാണ് കെ മുരളീധരന്‍മേയര്‍ക്കെതിരായ സ്ത്രീ വിരുദ്ധ പരാമര്‍ശം നടത്തിയത്. തൊട്ടുപിന്നാലെ സ്ത്രീത്വത്തെ അപമാനിച്ചതിന് ജാമ്യമില്ലാ വകുപ്പ് പ്രകാരം കേസെടുക്കണമെന്നാവശ്യപ്പെട്ട് മേയര്‍ മ്യൂസിയം പൊലീസിനെ സമീപിച്ചിരുന്നു.
കെ മുരളീധരന്‍ എംപിയുടെ വിവാദപരാമര്‍ശം
‘ കാണാന്‍ നല്ല സൗന്ദര്യം ഒക്കെയുണ്ട് ശരിയാ. പക്ഷെ വായില്‍ നിന്നും വരുന്നത് കൊടുങ്ങല്ലൂര്‍ ഭരണിപാട്ടിനേക്കാള്‍ ഭയാനകമായ വര്‍ത്തമാനങ്ങളാണ്. ഇതൊക്കെ ഇന്നലെ പെയ്ത മഴയത്ത് മാത്രം കിളിര്‍ത്തതാണ്. മഴ കഴിയുമ്‌ബോഴേക്കും അത് തീരും. ഇത്തരത്തില്‍ നിരവധിപേരെ കണ്ടിട്ടുള്ള നഗരസഭയാണിത്. ഇങ്ങനെ പോവുകയാണെങ്കില്‍ മേയറെ നോക്കി കനക സിംഹാസനത്തില്‍ എന്ന് തുടങ്ങുന്ന പാട്ട് പാടേണ്ടി വരും.’
അതിനിടെ തന്റെ പ്രസ്താവന മേയര്‍ക്ക് മാനസിക ബുദ്ധിമുട്ടുണ്ടാക്കിയിട്ടുണ്ടെങ്കില്‍ ഖേദം പ്രകടിപ്പിക്കുന്നതായി കെ.മുരളീധരന്‍ പറഞ്ഞു. തന്റെ ഒരു പ്രസ്താവനയും സത്രീകളെ വേദനിപ്പിക്കരുതെന്ന് നിര്‍ബന്ധമുണ്ട്. എന്നാല്‍ മേയറുടെ പക്വതക്കുറവുമായി ബന്ധപ്പെട്ട് ചൂണ്ടിക്കാട്ടിയ കാര്യങ്ങളില്‍ ഉറച്ചു നില്‍ക്കുന്നതായും കെ. മുരളീധരന്‍ പ്രതികരിച്ചു.
more recommended stories
ദേശീയപാത നിര്മ്മാണ പ്രവൃത്തികള് ജില്ലാ കളക്ടര് കെ. ഇമ്പശേഖര് സന്ദര്ശിച്ചുപരിശോധന കാലവര്ഷത്തിന് മുന്നോടിയായുള്ള ദുരന്ത നിവാരണ.
പുല്ലൂര് മേല്പ്പാലം എന്.ഐ.ടി പഠനറിപ്പോര്ട്ട് ഒരാഴ്ചയ്ക്കകം ലഭിക്കുംപുല്ലൂര് മേല്പാലംനിര്മാണത്തിനിടെ ഒരു ഭാഗം തകര്ന്നത്.
പെരുമ്പാവൂര് ജിഷ വധക്കേസ്; അമീറുള് ഇസ്ലാമിന്റെ വധശിക്ഷ നടപ്പാക്കുന്നതില് വിധി തിങ്കളാഴ്ചകൊച്ചി: പെരുമ്പാവൂര് ജിഷ വധക്കേസില് ശിക്ഷിക്കപ്പെട്ട.
കാഞ്ഞങ്ങാട് ട്രാന്സ്ഫോമറില് കയറിയ യുവാവ് ഷോക്കേറ്റ് മരിച്ചുകാഞ്ഞങ്ങാട് നഗരമധ്യത്തിലെ ട്രാന്സ്ഫോമറില് കയറിയ യുവാവ്.