കൊച്ചി: കൊച്ചി കോര്പ്പറേഷനിലെ ഗാന്ധിനഗര് ഡിവിഷനിലേക്ക് നടന്ന ഉപതിരഞ്ഞെടുപ്പില് ഇടതുമുന്നണിക്ക് ഉജ്ജ്വല വിജയം.സിപിഎം സ്ഥാനാര്ത്ഥി ബിന്ദു ശിവന് വിജയിച്ചു. കോണ്ഗ്രസിന്റെ പി ഡി മാര്ട്ടിനെയാണ് പരാജയപ്പെടുത്തിയത്. 687 വോട്ടുകള്ക്കാണ് ബിന്ദുവിന്റെ വിജയം.
കൗണ്സിലറായിരുന്ന സിപിഎമ്മിലെ കെ കെ ശിവന് അന്തരിച്ചതിനെ തുടര്ന്നുണ്ടായ ഒഴിവിലാണ് തെരഞ്ഞെടുപ്പ് നടന്നത്. കഴിഞ്ഞ തവണ 115 വോട്ടിന്റെ ഭൂരിപക്ഷത്തിലായിരുന്നു എല്ഡിഎഫ് ജയം. അന്തരിച്ച ശിവന്റെ ഭാര്യയായ ബിന്ദുവിനെ മല്സരിപ്പിക്കാന് സിപിഎം തീരുമാനിക്കുകയാിരുന്നു. തിരുവാങ്കുളം പഞ്ചായത്ത് മുന് പ്രസിഡന്റാണ് ബിന്ദു ശിവന്.
യുഡിഎഫിനായി കഴിഞ്ഞവട്ടവും പി ഡി മാര്ട്ടിനായിരുന്നു മത്സരിച്ചത്. ബിജെപിക്കായി പി ജി മനോജ്കുമാര് മത്സരിച്ചു.രണ്ടംഗങ്ങളുടെ മരണത്തെ തുടര്ന്ന് നിലവിലെ കോര്പ്പറേഷന് കൗണ്സില് അംഗസംഖ്യ എഴുപത്തിരണ്ടാണ്. ഇതില് പകുതി അംഗങ്ങളുടെ പിന്തുണ എല്ഡിഎഫിനുണ്ട്.
ബിജെപിക്ക് നാലംഗങ്ങളാണുള്ളത്. 32 അംഗങ്ങളുടെ പിന്തുണയാണ് യുഡിഎഫിനുള്ളത്. ബിജെപി കൗണ്സിലര് ആയിരുന്ന മിനി ആര് മേനോന് അന്തരിച്ച ഒഴിവില് ഇനി ഉപതെരഞ്ഞെടുപ്പ് നടക്കാനുണ്ട്. യുഡിഎഫിന്റെ സിറ്റിങ് സീറ്റായിരുന്ന എറണാകുളം സൗത്ത് ഡിവിഷനില്നിന്നാണ് ബിജെപിയുടെ മിനി ആര് മേനോന് വിജയിച്ചത്.
more recommended stories
-
ഐപിഎല്ലില് മുംബൈ ഇന്ത്യന്സ് ഇന്ന് ലഖ്നൗ സൂപ്പര് ജയന്റ്സിനെ നേരിടും
മുംബൈ: ഐപിഎല്ലില് മുംബൈ ഇന്ത്യന്സ് ഇന്ന് ലഖ്നൗ.
-
പക്ഷിപ്പനി: ആലപ്പുഴ ജില്ലയില് 12,678 വളര്ത്തുപക്ഷികളെ ശനിയാഴ്ച കൊന്നൊടുക്കും
ആലപ്പുഴ: ജില്ലയില് പക്ഷിപ്പനി സ്ഥിരീകരിച്ച ആലപ്പുഴ.
-
തൃക്കരിപ്പൂര് ഇ.കെ നായനാര് പോളിടെക്നിക് ഹോസ്റ്റല് മുറിയില് വിദ്യാര്ത്ഥി തൂങ്ങി മരിച്ച നിലയില്
കാസര്കോട് തൃക്കരിപ്പൂര് ഇ.കെ നായനാര് പോളിടെക്നിക് ഹോസ്റ്റല്.
-
എംഎസ്എഫ് സ്ഥാനാര്ത്ഥിയുടെ വിജയത്തിന് പിന്നാലെ എസ്എഫ്ഐ പ്രതിഷേധം
കോഴിക്കോട്: എസ്എഫ്ഐ പ്രതിഷേധത്തെത്തുടര്ന്ന് കാലിക്കറ്റ് സര്വകലാശാലാ.