ഉത്തര മലബാറിലെ ജനജീവിതവുമായി ഇഴുകിച്ചേര്ന്ന കലാരൂപമായ തെയ്യത്തിന് ആദരവായി നീലേശ്വരം ബ്ലോക്ക് പഞ്ചായത്ത് സംഘടിപ്പിക്കുന്ന ദ്വിദിന മുഖത്തെഴുത്ത് ശില്പശാല ആരംഭിച്ചു. ബ്ലോക്ക് പഞ്ചായത്തിന്റെ 2021-22 വാര്ഷിക പദ്ധതിയില് ഉള്പ്പെടുത്തിയാണ് ശില്പശാല സംഘടിപ്പിക്കുന്നത്. തെയ്യം പാരമ്പര്യ തൊഴിലാക്കിയ പ്രഗത്ഭരായ ഒട്ടേറെ തെയ്യം കലാകാരന്മാര് ഉത്തരമലബാറിലുണ്ട്. തെയ്യത്തിന്റെ പ്രൗഢി അതേപടി നിര്ത്തേണ്ടതും പ്രോത്സാഹനം നല്കേണ്ടതും ഭരണകൂടത്തിന്റെ കടമയാണെന്ന തിരിച്ചറിവിലാണ് നീലേശ്വരം ബ്ലോക്ക് പഞ്ചായത്ത് മുഖത്തെഴുത്ത് ശില്പശാല വാര്ഷിക പദ്ധതിയില് ഉള്പ്പെടുത്തിയത്. പ്രകൃതിദത്ത ചായങ്ങളും ഈര്ക്കില് കൊണ്ടുണ്ടാക്കിയ ബ്രഷും ഉപയോഗിച്ച് അതീവ സൂക്ഷ്മതയോടെ ചെയ്യേണ്ട മുഖത്തെഴുത്ത് അനന്യമായ കലയാണ്. ഇത് തലമുറ കൈമാറി യുവാക്കളിലേക്ക് എത്തിക്കുകയാണ് ശില്പശാലയുടെ ലക്ഷ്യം. കാലിക്കടവ് കരക്കക്കാവ് ഓഡിറ്റോറിയത്തില് ശില്പശാല ബ്ലോക്ക് പഞ്ചായത്ത് പ്രസിഡന്റ് മാധവന് മണിയറ ഉദ്ഘാടനം ചെയ്തു. തെയ്യം കലാകാരന്മാരായ ഗംഗാധരന് എരമംഗലന്, രാജു കാവുട്ടന് , കൃഷ്ണകുമാര് എളമ്പച്ചി എന്നിവരാണ് പരിശീലനം നല്കുന്നത്. പതിമൂന്നു പേരാണ് ശില്പശാലയില് പങ്കെടുക്കുന്നത്. ശില്പശാലയില് തെയ്യം കെട്ട് തൊഴിലില് ഏര്പ്പെട്ട വിവിധ സമുദായത്തിലെ യുവാക്കളും പരിശീലകരും പങ്കെടുക്കുന്നുണ്ട്.
more recommended stories
-
ഇടിയോടും കാറ്റോടും കൂടിയ മഴ; ഇന്ന് 2 ജില്ലകളില് ഓറഞ്ച് അലര്ട്ട്, മത്സ്യബന്ധനത്തിന് വിലക്ക്
തിരുവനന്തപുരം: സംസ്ഥാനത്ത് ഇന്ന് മുതല് തീവ്രമഴയ്ക്ക്.
-
കണ്ണൂരില് വന്ലഹരി വേട്ട; രണ്ട് യുവാക്കള് അറസ്റ്റില്
കണ്ണൂര്: കണ്ണൂര് താളിക്കാവില് ലഹരി വസ്തുക്കള്.
-
യാത്ര ചുരുക്കി; മുഖ്യമന്ത്രി തിങ്കളാഴ്ച തിരിച്ചെത്തും
സിംഗപ്പൂര് സന്ദര്ശനത്തിനായി ഈ മാസം ആറിന്.
-
അലയന്സ് എയര് യാത്ര റദ്ദാക്കി; അഗത്തി വിമാനത്താവളത്തിനു പുറത്ത് കുടുങ്ങി 68 പേര്,
കണ്ണൂര്ന്മ ലക്ഷദ്വീപ് അഗത്തി വിമാനത്താവളത്തില് കുടുങ്ങിയ.