കാസര്‍കോട്: വായന മനുഷ്യരില്‍ മാനവികതയും കരുണയും നിറക്കുന്നുവെന്ന് എന്‍.എ.നെല്ലിക്കുന്ന് എം.എല്‍.എ പറഞ്ഞു. ജില്ലാതല സംഘാടക സമിതിയുടെ നേതൃത്വത്തില്‍ സംഘടിപ്പിക്കുന്ന വായനാ പക്ഷാചരണത്തിന്റെ ജില്ലാതല ഉദ്ഘാടനം ടി.ഐ.എച്ച്.എസ്.എസ് നായന്‍മാര്‍മൂലയില്‍ ഉദ്ഘാടനം ചെയ്യുകയായിരുന്നു അദ്ദേഹം. ഏറ്റവും നല്ല വായനക്കാരന് മാത്രമേ സഹജീവികളെ അടുത്തറിയാന്‍ സാധിക്കുകയുള്ളൂവെന്നും മാര്‍ക്കുകള്‍ വാങ്ങി വലിയ സ്ഥാന മാനങ്ങളിലെത്തിയാലും മനുഷ്യത്വം കൈവെടിയാതെ മുന്നേറാന്‍ സാധിക്കണമെന്നും എം.എല്‍.എ വിദ്യാര്‍ത്ഥികളോട് പറഞ്ഞു. മനുഷ്യനില്‍ ചലനങ്ങളുണ്ടാക്കാനും ചിന്തകളെ സ്വാധീനിക്കാനും വായനയോളം മറ്റൊന്നിനും കഴിയില്ലെന്നും ഭാവിയിലെ ഇന്ത്യയുടെ പ്രതീക്ഷയായ കുട്ടികള്‍ വായിച്ച് വളരുന്ന തലമുറയാകണമെന്നും അദ്ദേഹം ഓര്‍മ്മിപ്പിച്ചു. ഓണ്‍ലൈന്‍ വായനയ്ക്ക് പുസ്തകവായനയോട് കിടപിടിക്കാന്‍ കഴിയില്ലെന്നും മാറിയ കാലഘട്ടത്തിലും വായനയുടെ പ്രസക്തി അത്ര വലുതാണെന്നും അദ്ദേഹം പറഞ്ഞു. എ ഡി എം കെ. നവീന്‍ ബാബു അധ്യക്ഷത വഹിച്ചു.
കുട്ടിത്തവും ലാളിത്യവും കൈമോശം വരാതെ കുട്ടികള്‍ അത്ഭുതങ്ങള്‍ തീര്‍ക്കണം;
ശില്‍പി കാനായി കുഞ്ഞിരാമന്‍
പുലരിയുടേതുപോലെ വര്‍ണ്ണങ്ങള്‍ നിറഞ്ഞ സൗന്ദര്യമാണ്് കുട്ടികള്‍ക്ക്. കുഞ്ഞു മനസ്സുകളിലെ കുട്ടിത്തവും ലാളിത്യവും കൈമോശം വരാതെ സൂക്ഷിച്ച് അത്ഭുതങ്ങള്‍ തീര്‍ക്കണമെന്ന് പ്രശസ്ത ശില്‍പി കാനായി കുഞ്ഞിരാമന്‍ പറഞ്ഞു. പരിപാടിയില്‍ വിശിഷ്ടാതിഥിയായി പങ്കെടുക്കുകയായിരുന്നു അദ്ദേഹം.
നല്ല പുസ്തകങ്ങള്‍ വായിക്കുമ്പോള്‍ നന്മയുടെ വഴികാട്ടിത്തരും. പി.എന്‍ പണിക്കരുമായുണ്ടായിരുന്ന സൗഹൃദത്തെ കുറിച്ച് അദ്ദേഹം വിദ്യാര്‍ത്ഥികളോട് സംസാരിച്ചു. ധാരാളം പഠിച്ചതുകൊണ്ടോ കേവലമായ വായനകൊണ്ടോ മാത്രം അര്‍ത്ഥമില്ലെന്നും അവയില്‍ നിന്നും പാഠമുള്‍ക്കൊണ്ട്് വിശാലമായ ലോകത്തെ കാണാനാകണമെന്ന് അദ്ദേഹം പറഞ്ഞു. മയക്കുമരുന്ന് ഉള്‍പ്പടെ സമൂഹത്തെ മലീമസമാക്കുന്ന പുതിയ കാലത്തെ പ്രവണതകളെ വിദ്യാര്‍ത്ഥികള്‍ ചോദ്യം ചെയ്യണമെന്നും അദ്ദേഹം പറഞ്ഞു..ഭാഷയുടെ സൗന്ദര്യത്തെ മനസിലാക്കി കൊടുക്കണമെന്നും അദ്ദേഹം പറഞ്ഞു. പത്രവും പുസ്തകങ്ങളും മറ്റും വായിക്കുന്നതിലൂടെ ലഭിക്കുന്ന അനുഭവം ഒരിക്കലും ടെലിവിഷനിലൂടെയോ ഇന്റര്‍നെറ്റ് സങ്കേതങ്ങളിലൂടെയോ ലഭിക്കില്ലെന്നും ഓര്‍മ്മിപ്പിച്ചു.
ചടങ്ങില്‍ എ.ഡി.എം കെ.നവീന്‍ ബാബു അധ്യക്ഷനായി. അസിസ്റ്റന്റ് കളക്ടര്‍ ഡോ.മിഥുന്‍ പ്രേംരാജ് വായനാദിന പ്രതിജ്ഞ ചൊല്ലിക്കൊടുത്തു. ചെങ്കള പഞ്ചായത്ത് പ്രസിഡന്റ് ഖാദര്‍ ബദരിയ വായനാദിന സന്ദേശം നല്‍കി. പി.എന്‍.പണിക്കര്‍ ഫൗണ്ടേഷന്‍ കാസര്‍കോട് ജില്ലാ ചെയര്‍മാന്‍ പ്രൊഫ.കെ.പി.ജയരാജന്‍ പി.എന്‍ പണിക്കര്‍ അനുസ്മരണ പ്രഭാഷണം നടത്തി. വാര്‍ഡ് മെമ്പര്‍ പി.ഖദീജ, പൊതു വിദ്യാഭ്യാസം ഉപഡയറക്ടര്‍ ബി.സുരേന്ദ്രന്‍, കുടുംബശ്രീ ജില്ലാ മിഷന്‍ കോ ഓഡിനേറ്റര്‍ ടി.ടി.സുരേന്ദ്രന്‍, നെഹ്റു യുവകേന്ദ്ര ജില്ലാ യൂത്ത് ഓഫീസര്‍ പി.അഖില്‍, ജില്ലാ യൂത്ത് പ്രോഗ്രാം ഓഫീസര്‍ പി.സി.ഷിലാസ്, സാക്ഷരത മിഷന്‍ ജില്ലാ കോ ഓഡിനേറ്റര്‍ പി.എന്‍.ബാബു, ജമാഅത്ത് കമ്മിറ്റി പ്രസിഡണ്ട് എന്‍.എ.അബൂബക്കര്‍ ഹെഡ്മാസ്റ്റര്‍ പി.നാരായണന്‍, പ്രിന്‍സിപ്പാള്‍ ടി.പി.മുഹമ്മദ് അലി, പി.ടി.എ പ്രസിഡന്റ് എ.എല്‍.അസ്ലം, മാനേജര്‍ എം.അബ്ദുള്ള ഹാജി, സ്റ്റേറ്റ് ലൈബ്രറി കൗണ്‍സില്‍ മെമ്പര്‍ കരുണാകരന്‍ ഇട്ടക്കാട്, പി.എന്‍ പണിക്കര്‍ ഫൗണ്ടേഷന്‍ ജില്ലാ സെക്രട്ടറി സി.സുകുമാരന്‍ മാസ്റ്റര്‍, സാംസ്‌ക്കാരിക പ്രവര്‍ത്തകന്‍ കെ.വി.രാഘവന്‍ മാസ്റ്റര്‍, കാവുങ്കല്‍ നാരായണന്‍ മാസ്റ്റര്‍, സ്‌കൂള്‍ ലീഡര്‍ ഷുജാഹ് തുടങ്ങിയവര്‍ സംസാരിച്ചു. ജില്ലാ ഇന്‍ഫര്‍മേഷന്‍ ഓഫീസര്‍ എം.മധുസൂദനന്‍ സ്വാഗതവും അസി. ഇന്‍ഫര്‍മേഷന്‍ ഓഫീസര്‍ എ.പി.ദില്‍ന നന്ദിയും പറഞ്ഞു.
more recommended stories
പി ടി എച്ച് നേഴ്സുമാരെ ആദരിച്ചുകാസറഗോഡ് : ലോക നേഴ്സ് ദിനത്തിനോടനുബന്ധിച്ച്.
DACAK യുടെ ആഭിമുഖ്യത്തില് മലപ്പുറം KLM സ്റ്റേഡിയത്തില് കേരളവും ഉത്തര്പ്രദേശും നടന്ന മത്സരത്തില് കേരള ടീം വിജയിച്ചുDACAK യുടെ ആഭിമുഖ്യത്തില് മലപ്പുറം KLM സ്റ്റേഡിയത്തില്.
ഇടിമിന്നലേറ്റ് മൂന്ന് കുട്ടികള്‍ അടക്കം 11 പേര് മരിച്ചു; വന് ദുരന്തം ബംഗാളിലെ മാള്ഡയില്കൊല്ക്കത്ത: പശ്ചിമബംഗാളിലെ മാള്ഡ ജില്ലയില് ഇടിമിന്നലേറ്റ് 11.
കെജ്രിവാളിന് ജാമ്യം നല്കിയത് അസാധാരണ നടപടിയല്ല’; പ്രത്യേക പരിഗണന നല്കിയില്ലെന്നും സുപ്രീംകോടതിദില്ലി: കെജ്രിവാളിന് ജാമ്യം നല്കിയത് അസാധാരണ നടപടിയില്ലെന്ന്.