കണ്ണൂര്: കണ്ണൂരില് 924 ലിറ്റര് സ്പിരിറ്റ് പിടികൂടിയ കേസില് രണ്ടുപേര് അറസ്റ്റില്. മഞ്ചേശ്വരം കുഞ്ചത്തൂര് ശാന്താനിവാസില് കെ.അരവിന്ദ് (45), തൃശ്ശൂര് സ്വദേശിയും മഞ്ചേശ്വരത്തെ താമസക്കാരനുമായ കുഞ്ചത്തൂര് അറക്കപറമ്പില് എ.എച്ച്.അന്സീഫ് (36) എന്നിവരാണ് അറസ്റ്റിലായത്.
കണ്ണൂര് ടൗണ് പോലീസ് ഇന്സ്പെക്ടര് പി.എ.ബിനുമോഹന്റെ നേതൃത്വത്തിലുള്ള പോലീസ് സംഘം മഞ്ചേശ്വരത്തുനിന്നാണ് പ്രതികളെ പിടിച്ചത്. സ്പിരിറ്റ് കടത്താന് ഉപയോഗിച്ച കാറിന്റെ ആര്.സി. ഉടമയും കാര് വാടകയ്ക്ക് നല്കിയയാളുമാണ് അറസ്റ്റിലായത്. കാറില് സ്പിരിറ്റ് കടത്തിയയാളെ പിടിക്കാനായിട്ടില്ല.
സ്പിരിറ്റ് കടത്തുന്നതിനിടെ പോലീസിനെ കണ്ടതോടെ ഇയാള് കാര് നിര്ത്തി ഓടിരക്ഷപ്പെടുകയായിരുന്നു. കാറിന്റെ ഉടമസ്ഥനെ പിടികൂടിയതോടെ സ്പിരിറ്റ് കടത്തിയ ആള് ഉടന് പിടിയിലാകുമെന്ന് പോലീസ് പറഞ്ഞു. 20 വര്ഷമായി കര്ണാടക-കേരള അതിര്ത്തി വഴി സ്പിരിറ്റ് കടത്തുന്ന സംഘമാണ് അറസ്റ്റിലായവരെന്നും പോലീസ് വെളിപ്പെടുത്തി.
ഓപ്പറേഷന് ക്ലീന് കണ്ണൂരിന്റെ ഭാഗമായി നടത്തിയ പരിശോധനയിലാണ് 924 ലിറ്റര് സ്പിരിറ്റ് പിടിച്ചത്. 20-ന് പുലര്ച്ചെ 1.50-ഓടെ പള്ളിക്കുന്നില്നിന്നാണ് സ്പിരിറ്റ് പിടിച്ചത്. ടൗണ് പോലീസ് ഇന്സ്പെക്ടര് പി.എ.ബിനു മോഹന്റെ നേതൃത്വത്തിലുള്ള പോലീസ് സംഘം രാത്രി പട്രോളിങ്ങിനിടെയാണ് കാറില് കന്നാസില് സൂക്ഷിച്ച സ്പിരിറ്റ് കണ്ടെത്തിയത്.
more recommended stories
-
നടപടി ആവശ്യപ്പെട്ട് കാസര്കോട് ജില്ലാ കളക്ടര്
കാഞ്ഞങ്ങാട് റയില്വേ സ്റ്റേഷനിലെ ഒന്നാം പ്ലാറ്റ്ഫോമിനോട് ചേര്ന്ന.
-
കാസര്ഗോഡ് , അമ്പലത്തറയില് സി പി എം നേതാക്കള്ക്ക് നേരെ സ്ഫോടകവസ്തു എറിഞ്ഞു
കാസര്ഗോഡ് അമ്പലത്തറ പോലീസ് സ്റ്റേഷന് പരിധിയിലെ.
-
പടന്നക്കാട് പത്തു വയസ്സുകാരിയെ ശാരീരികമായി ഉപദ്രവിച്ച കേസ് പ്രതിക്കായി അന്വേഷണം ഊര്ജ്ജിതം
കുടക് സ്വദേശിയായ പ്രതി കര്ണ്ണാടകയിലേക്ക് കടന്നതായാണ് സൂചന.സംഭവം.
-
മഴക്കാല ശുചീകരണം നടത്തി
ബോവിക്കാനം:-ശ്രീ ശാസ്താ ക്ലബ് പന്ത്രണ്ടാം വാര്ഡ്.