തിരുവനന്തപുരം ;സ്ഥാനത്തുടനീളം അതിശക്ത മഴയില്‍ കനത്ത നാശനഷ്ടം. മീനച്ചിലാറിലും മണിമലയാറിലും ജലനിരപ്പ് ഉയര്‍ന്നതാനാല്‍ തീരങ്ങളില്‍ ജാഗ്രതാ നിര്‍ദേശം പുറപ്പെടുവിച്ചു. പത്തനംതിട്ട അച്ചന്‍കോവിലാറിലും ജലനിരപ്പ് ഉയര്‍ന്നു.മണിമല നദിയിലെ കല്ലൂപ്പാറ, പുല്ലാക്കയര്‍ സ്റ്റേഷനുകള്‍, പമ്പ നദിയിലെ മടമണ്‍ സ്റ്റേഷന്‍, അച്ചന്‍കോവില്‍ നദിയിലെ തുമ്പമണ്‍ സ്റ്റേഷന്‍, മീനച്ചില്‍ നദിയിലെ കിടങ്ങൂര്‍ സ്റ്റേഷന്‍ എന്നിവിടങ്ങളില്‍ ജലനിരപ്പ് അപകടനിരപ്പിനേക്കാള്‍ കൂടുതലായതിനാല്‍ അവിടെ കേന്ദ്ര ജല കമ്മീഷന്‍ ഓറഞ്ച്, മഞ്ഞ അലര്‍ട്ടുകള്‍ നല്‍കി. നിലവില്‍ മഴ തുടരുന്ന സാഹചര്യം ഉള്ളതിനാല്‍ തീരത്തോട് ചേര്‍ന്ന് താമസിക്കുന്നവര്‍ ജാഗ്രത പാലിക്കണം.കേരള തീരത്ത് ഇന്നു രാത്രി 11.30 വരെ 3.5 മുതല്‍ 3.7 മീറ്റര്‍ വരെ ഉയര്‍ന്ന തിരമാലയ്ക്കും കടലാക്രമണത്തിനും സാധ്യതയുണ്ടെന്ന് മുന്നറിയിപ്പ്. കണ്ണൂര്‍ സെന്‍ട്രല്‍ ജയിലിന്റെ സുരക്ഷാ മതില്‍ ഇടിഞ്ഞു വീണു. രാവിലെ ഏഴുമണിയോടെ 30 മീറ്ററോളം ദൂരത്തിലാണ് മതില്‍ ഇടിഞ്ഞത്. താല്‍ക്കാലത്തേക് ഷീറ്റു വച്ച് മറയ്ക്കും. മലപ്പുറം ജില്ലയില്‍ 13 വീടുകള്‍ ഭാഗികമായി തകര്‍ന്നു. പൊന്നാനിയില്‍ 13 കുടുംബങ്ങളും ക്യാംപിലേക്കു മാറ്റി. പെരിന്തല്‍മണ്ണയില്‍ നിര്‍ത്തിയിട്ട വാഹനങ്ങളില്‍ മണ്ണിടിഞ്ഞു വീണു. തിരുവനന്തപുരം പൊന്മുടിയില്‍ വിനോദസഞ്ചാരികള്‍ക്കി വിലക്കേര്‍പ്പെടുത്തി. തിരുവല്ല നിരണം വടക്കും സെന്റ് പോള്‍സ് സിഎസ്‌ഐ പള്ളി മഴയില്‍ തകര്‍ന്നു. തൃശൂരിലുണ്ടായ മിന്നല്‍ ചുഴലിയില്‍ ചാലക്കുടിയിലും ഇരിങ്ങാലക്കുടയിലും വന്‍ നാശനഷ്ടം.തിരുവല്ലയില്‍ വെള്ളം കയറിയ വീട്ടില്‍ കുടുങ്ങിയവരെ എന്‍ഡിആര്‍എഫ് സംഘം രക്ഷപ്പെടുത്തുന്നു. 70 വയസായ അമ്മിണി വര്‍ഗിനും കുടുംബവുമായിരുന്നു വീട്ടിലുണ്ടായിരുന്നത്.മഴ കനത്ത് ജലനിരപ്പ് ഉയര്‍ന്നതോടെ കേരളത്തില്‍ വിവിധ ഡാമുകള്‍ തുറന്നു. പത്തനംതിട്ടയില്‍ മണിയാര്‍ ഡാം തുറന്ന സാഹചര്യത്തില്‍ പമ്പ, കക്കാട്ടാര്‍ തീരങ്ങളില്‍ വസിക്കുന്നവര്‍ക്കായി ജാഗ്രതാ നിര്‍ദ്ദേശം പുറപ്പെടുവിച്ചു. കല്ലാര്‍കുട്ടി അണക്കെട്ടിന്റെ ഷട്ടറുകള്‍ കൂടുതല്‍ ഉയര്‍ത്തി. ഒരു ഷട്ടര്‍ 60 സെന്റിമീറ്ററിനും മറ്റൊന്ന് 30 സെന്റിമീറ്ററും ഉയര്‍ത്തി. സെക്കന്‍ഡില്‍ 90 ഘനമീറ്റര്‍ വെള്ളം ഒഴുക്കുന്നു. പാംബ്ല അണക്കെട്ടും തുറന്നു. പെരിയാര്‍, മുതിരപ്പുഴ തീരവാസികള്‍ക്ക് ജാഗ്രതാ നിര്‍ദ്ദേശം നല്‍കി. കണ്ണൂര്‍ പഴശി അണക്കെട്ടിന്റെ മൂഴുവന്‍ ഷട്ടറുകളും പത്തു സെന്റീമീറ്റര്‍ വീതം ഉയര്‍ത്തി.
more recommended stories
ഇന്ന് 117പേര്‍ക്ക് ഡ്രൈവിംഗ് ടെസ്റ്റ് നടത്തിയെന്ന് മോട്ടോര്‍ വാഹന വകുപ്പ്, ടെസ്റ്റ് പാസായത് 52 പേര്‍ മാത്രംതിരുവനന്തപുരം:ഡ്രൈവിംഗ് പരിഷ്ക്കരണത്തിനെതിരായ സമരത്തിനിടെ ഇന്ന് നടത്തിയ ടെസ്റ്റുകളുടെ.
മാധ്യമപ്രവര്ത്തകനെ വെടിവെച്ച് കൊന്നു; അക്രമികളെ പിടികൂടാന് പ്രത്യേക അന്വേഷണ സംഘം, ദാരുണ സംഭവം ഉത്തര്പ്രദേശില്ദില്ലി: ഉത്തര്പ്രദേശിലെ ജോന്പൂരില് മാധ്യമപ്രവര്ത്തകനെ വെടിവെച്ച്.
പൊന്നാനി ബോട്ട് അപകടം; നടപടിയുമായി കോസ്റ്റല് പൊലീസ്, കപ്പല് കസ്റ്റഡിയിലെടുത്തുമലപ്പുറം: പൊന്നാനിയില്‍ കപ്പല് മത്സ്യബന്ധന ബോട്ടിലിടിച്ചുണ്ടായ.
കാസര്കോട് ജില്ലയിലെ സണ്റൈസ് ഹോസ്പിറ്റലുകളിലേക്ക് മാര്ക്കറ്റിംഗ് എക്സിക്യൂട്ടീവ് ഉദ്യോഗാര്ത്ഥിയെ ആവശ്യമുണ്ട്കാസര്കോട് ജില്ലയിലെ സണ്റൈസ് ഹോസ്പിറ്റലുകളിലേക്ക് മാര്ക്കറ്റിംഗ് എക്സിക്യൂട്ടീവുകളെ.