തിരുവനന്തപുരം: കേരളത്തിലെ പൊലിസ് സ്റ്റേഷനുകളുടെ ഘടനയില് വീണ്ടും മാറ്റം വരുത്താന് നീക്കം. സ്റ്റേഷന് ഹൗസ് ഓഫീസര് ചുമതല ഇന്സ്പെക്ടര്മാരില് നിന്നും എസ്.ഐമാര്ക്ക് തന്നെ തിരിച്ചു നല്കും. സ്റ്റേഷന് ഭരണം ഇന്സ്പെക്ടര്മാര്ക്ക് നല്കിയ പരിഷ്ക്കാരം പാളിയെന്ന റിപ്പോര്ട്ടിന്റെ അടിസ്ഥാനത്തിലാണ് പുതിയ തീരുമാനം.
2018 നവംബര് ഒന്നിന് പൊലിസ് മേധവിയായിരുന്ന ലോക്നാഥ് ബെഹ്റയുടെ റിപ്പോര്ട്ടിന്റെ അടിസ്ഥാനത്തിലാണ് ആദ്യ പരിഷ്ക്കരണം നടന്നത്. അതോടെ, സംസ്ഥാനത്ത പൊലിസ് സ്റ്റേഷനുകളുടെ ഭരണം എസ്.ഐമാരില് നിന്നും ഇന്സ്പെക്ടര്മാര്ക്ക് കൈമാറി. എസ്.ഐമാരുടെ തസ്തിക ഇന്സ്പെക്ടര് റാങ്കിലേക്ക് ഉയര്ത്തുകയും 218 പേര്ക്ക് കൂട്ടത്തോടെ സ്ഥാനകയറ്റം നല്കുകയും ചെയ്തു. സ്റ്റേഷന് പ്രവര്ത്തനം കുറേക്കൂടി കാര്യക്ഷമാക്കാന് ഇന്സ്പെക്ടര്മാര്ക്ക് കഴിയുമെന്നായിരുന്നു അന്ന് പറഞ്ഞിരുന്നത്.ഇതോടെ രണ്ട് സ്റ്റേഷന്റെ ചുമതല നോക്കിയിരുന്ന സര്ക്കിള് ഇന്സ്പെക്ടര്മാര് ഒരു സ്റ്റേഷന്റെ ചുമതലയിലേക്ക് ഒതുങ്ങി. പക്ഷെ പരിഷ്ക്കരണം കൊണ്ട് ഗുണം ഉണ്ടായില്ലെന്ന് എസ്.പിമാരുടെയും എ.ഡി.ജി.പിമാരുടെയും യോഗത്തില് അഭിപ്രായമുയര്ന്നു. ഇക്കാര്യം പരിശോധിക്കാന് വേണ്ടി ഡി.ജി.പി ടി.കെ. വിനോദ് കുമാറിന്റെ നേതൃത്വത്തില് നാലംഗ സമിതിയുണ്ടാക്കി. നാലുവര്ഷം പിന്നിടുമ്പോള് പരിഷ്ക്കരണം നേട്ടത്തെക്കാള് കൂടുതല് കോട്ടമുണ്ടാക്കിയെന്നാണ് സമിതിയുടെ റിപ്പോര്ട്ട്.സംസ്ഥാനത്തെ ചില പ്രധനപ്പെട്ട സ്റ്റേഷനുകളില് ഒഴികെ മറ്റ് സ്റ്റേഷനുകളുടെ ചുമതല എസ്.ഐമാര്ക്ക് തിരികെ നല്കാനും മേല്നോട്ട ചുമതലകളിലേക്ക് ഇന്സ്പെക്ടര്മാരെ മടക്കികൊണ്ടുവരാനുമാണ് പുതിയ നിര്ദേശം. കേസുകള് കുറവുള്ള 210 സ്റ്റേഷനുകളിലെ ഭരണം ആദ്യ ഘട്ടത്തില് എസ്.ഐമാര്ക്ക് നല്കും. എസ്.ഐമാരുടെ റാങ്ക് പട്ടിക നിലനില്ക്കുന്നതിനാല് കൂടുതല് പേരെ ഇപ്പോള് നിയോഗിക്കാനും കഴിയുമെന്നാണ് കണക്ക് കൂട്ടല്.
more recommended stories
-
ചെര്ക്കള ടൗണ് വീണ്ടും ചെളിക്കുളം,പ്രതിഷേധത്തില് ഇടപ്പെട്ട് എം എല് എ, പരിഹാര നിര്ദ്ദേശങ്ങള്ക്ക് അടിയന്തിര അംഗീകാരം
ചെര്ക്കള ടൗണ് വീണ്ടും ചെളിക്കുളം ആയി..
-
റെക്കോര്ഡിട്ട് സ്വര്ണവില
തിരുവനന്തപുരം: ചരിത്രത്തിലെ ഏറ്റവും വലിയ വിലയില് സ്വര്ണം..
-
കണ്ണൂരില് ബോംബ് നിര്മ്മാണത്തിനിടെ കൊല്ലപ്പെട്ടവര്ക്ക് സ്മാരകം പണിത് സിപിഎം
കണ്ണൂര്: ബോംബ് നിര്മ്മാണത്തിനിടെ കൊല്ലപ്പെട്ടവര്ക്ക് സ്മാരകം.
-
മഥുരയില് തീര്ത്ഥാടനം കഴിഞ്ഞ് മടങ്ങവെ ഭക്തര് സഞ്ചരിച്ച ബസിന് തീപിടിച്ചു ഹരിയാനയില് 8 പേര് വെന്തുമരിച്ചു
തങ്ങള് വാടകയ്ക്ക് എടുത്ത ബസാണ് അപകത്തില്പ്പെട്ടതെന്നും.