നീലേശ്വരം . ജില്ലയിലെ മൂന്നാമത്തെ നഗരസഭയായ നീലേശ്വരം നഗരസഭ ഓഫിസിന് സ്വന്തമായി പണിത ഓഫിസ് കെട്ടിടത്തിന്റെ ഉദ്ഘാടനം 26 ന് രാവിലെ 10 ന് മന്ത്രി എം.ബി.രാജേഷ് ഓഫിസ് ഉദ്ഘാടനം നിര്വഹിക്കും. എം.രാജഗോപാലന് എംഎല്എ അധ്യക്ഷത വഹിക്കും. രാജ്മോഹന് ഉണ്ണിത്താന് എംപി മുഖ്യാതിഥിയാകും. നീലേശ്വരം പുഴയോരത്ത് കച്ചേരിക്കടവ് റോഡില് നഗരസഭ വിലയ്ക്കു വാങ്ങിയ 75 സെന്റ് ഭൂമിയില് 30, 000 ചതുരശ്ര അടി വിസ്തൃതിയില് 11.3 കോടി രൂപ ചെലവിലാണ് മലബാര് മേഖലയില് തന്നെ സുസജ്ജമായ നഗരസഭ ഓഫിസ് കെട്ടിടം ഒരുക്കിയത്.
വായ്പയില്ലാതെ നഗരസഭയുടെ തനതു ഫണ്ടും വികസന ഫണ്ടും ഉപയോഗിച്ചാണ് ഓഫിസ് കെട്ടിടം പൂര്ത്തിയാക്കിയതെന്ന പ്രത്യേകതയുമുണ്ട്.3 നില മന്ദിരത്തിലെ ആദ്യ 2 നിലകളിലും വിവിധ സെക്ഷനുകളും ഫ്രണ്ട് ഓഫിസ് സംവിധാനവും പ്രവര്ത്തിക്കും. പൊതുജനങ്ങള്ക്കുള്ള എല്ലാ സൗകര്യങ്ങളും ഇവിടെയൊരുങ്ങി. കൗണ്സില് ഹാളിനു പുറമേ മറ്റു യോഗങ്ങള്ക്കായി 250 പേര്ക്ക് ഇരിക്കാവുന്ന കോണ്ഫറന്സ് ഹാള്, സ്ത്രീകള്ക്കുള്ള പ്രത്യേക വിശ്രമമുറി, ഫീഡിങ് മുറി എന്നിവയുമുണ്ട്. കൃഷിഭവന്, കുടുംബശ്രീ ഓഫിസുകളും ഇങ്ങോട്ടേക്കു മാറും. നഗരത്തിന്റെ ഭാവി വികസനം കൂടി കണക്കിലെടുത്താണ് മൂന്നാം നില സജ്ജീകരിച്ചതെന്നു നഗരസഭ ചെയര്പഴ്സന് ടി.വി.ശാന്ത, വൈസ് ചെയര്മാന് പി.പി.മുഹമ്മദ് റാഫി, സ്ഥിരം സമിതി അധ്യക്ഷരായ കെ.പി.രവീന്ദ്രന്, ഷംസു അരിഞ്ചിര, കൗണ്സിലര് ഇ.ഷജീര്, സെക്രട്ടറി കെ.മനോജ് കുമാര് തുടങ്ങിയവര് അറിയിച്ചു.
more recommended stories
-
പെരുമ്പാവൂര് ജിഷ വധക്കേസ്; അമീറുള് ഇസ്ലാമിന്റെ വധശിക്ഷ നടപ്പാക്കുന്നതില് വിധി തിങ്കളാഴ്ച
കൊച്ചി: പെരുമ്പാവൂര് ജിഷ വധക്കേസില് ശിക്ഷിക്കപ്പെട്ട.
-
കാഞ്ഞങ്ങാട് ട്രാന്സ്ഫോമറില് കയറിയ യുവാവ് ഷോക്കേറ്റ് മരിച്ചു
കാഞ്ഞങ്ങാട് നഗരമധ്യത്തിലെ ട്രാന്സ്ഫോമറില് കയറിയ യുവാവ്.
-
സംസ്ഥാനത്ത് അതിതീവ്ര മഴ മുന്നറിയിപ്പ്; മൂന്ന് ജില്ലകളില് റെഡ് അലര്ട്ട്
തിരുവനന്തപുരം: സംസ്ഥാനത്ത് മഴ മുന്നറിയിപ്പില് വീണ്ടും.
-
ഗുണ്ടകളെ ഒതുക്കും; പൊലീസിന്റെ ‘ഓപ്പറേഷന് ആഗ് ഡി ഹണ്ട്’ല് 2 ദിവസത്തിനുള്ളില് പിടിയിലായത് 2015 പേര്
തിരുവനന്തപുരം: സംസ്ഥാനത്ത് ഗുണ്ടകളെ അമര്ച്ച ചെയ്യാന്.