കോഴിക്കോട്: മുഖ്യമന്ത്രി പിണറായി വിജയനെ കേന്ദ്ര ഏജൻസികൾ അറസ്റ്റ് ചെയ്യാത്തതിൽ കുണ്ഠിതപ്പെടുന്ന കോൺഗ്രസ് നേതാവ് രാഹുൽ ഗാന്ധി ഇന്ത്യാ കൂട്ടായ്മക്ക് വൻ ബാധ്യതയാണെന്നും ഹിന്ദുത്വ രാഷ്ട്രീയത്തിനെതിരായ പോരാട്ടത്തെ ദുർബലപ്പെടുത്തുന്ന ഏറ്റവും പ്രധാന ഘടകമായി ഇദ്ദേഹം മാറിയിരിക്കുകയാണെന്നും ഐ.എൻ.എൽ സംസ്ഥാന ജനറൽ സെക്രട്ടറി കാസിം ഇരിക്കൂർ അഭിപ്രായപ്പെട്ടു. രാഷ്ട്രീയ പക്വത കൊണ്ടോ മാന്യമായ പെരുമാറ്റ ശൈലി കൊണ്ടോ അനുഗ്രഹിക്കപ്പെടാത്ത രാഹുൽ കോൺഗ്രസിനെ നയിക്കുന്ന കാലത്തോളം ആ പാർട്ടി ഇന്നത്തെ ദുരന്തഗർത്തത്തിൽനിന്ന് രക്ഷപ്പെടാൻ പോകുന്നില്ല. സമരപോരാട്ടങ്ങളുടെ തീച്ചൂളയിൽ ഈതിക്കാച്ചിയെടുത്ത ജ്വലിക്കുന്ന രാഷ്ട്രീയ വ്യക്തിത്വത്തിൻ്റെ ഉടമയായ പിണറായി വിജയനോട് രാഷ്ട്രീയം പറയാൻ നെഹ്റുകുടുംബത്തിൻ്റെ പാരമ്പര്യത്തിൽ കയറിപ്പിടിച്ച് കോൺഗ്രസിൻ്റെ തലപ്പത്തെത്തിയ രാഹുൽ വളർന്നിട്ടില്ല. കേന്ദ്ര ഏജൻസികൾ എന്തിനാണ് പിണറായി വിജയനെ ചോദ്യം ചെയ്യേണ്ടതും കസ്റ്റഡിയിലെടുക്കേണ്ടതും 58 മണിക്കൂർ ഇ.ഡിയുടെ ചോദ്യം ചെയ്യലിന് വിധേയനായ, രാഹുൽ വിശദീകരിച്ചേ പറ്റൂ. കേരളത്തിലെത്തുമ്പോൾ നരേന്ദ്ര മോദിയുടെ നാവായി മാറുന്ന അശ്ലീല കാഴ്ച ഇന്നാട് ഒരു നിലക്കും സഹിക്കില്ല. പ്രധാനമന്ത്രി മോദിക്കും ഹിന്ദുത്വ രാഷ്ട്രീയത്തിനുമെതിരെ അചഞ്ചലമായി പോരാടുന്ന ഇടതുപക്ഷത്തെയും പിണറായിയെ പോലുള്ള നേതാക്കളെയും കണ്ടുപഠിക്കുന്നതിനു പകരം ഇതുവരെ തന്നെയും കുടുംബത്തെയും വഴിതെറ്റിച്ച കേരളത്തിലെ വിവരം കെട്ട, കമ്യൂണിസ്റ്റ് വിരുദ്ധരായ നേതാക്കളുടെ ഉപദേശം കേട്ട് അർമാദിക്കാൻ ശ്രമിച്ചാൽ കനത്ത പ്രഹരം ഏറ്റുവാങ്ങിയായിരിക്കും ഡൽഹിയിലേക്ക് തിരിച്ചുപോകേണ്ടിവരിക എന്ന് മനസ്സിലാക്കുന്നതാണ് രാഹുലിന് നല്ലത്– കാസിം ഇരിക്കൂർ പ്രസ്താവനയിൽ പറഞ്ഞു.
more recommended stories
-
ഇറാന് പിടിച്ചെടുത്ത കപ്പലിലെ മലയാളികള് അടക്കം എല്ലാവരും വിട്ടയച്ചെന്ന് ഇറാന് വിദേശകാര്യമന്ത്രാലയം
ദില്ലി : ഇറാന് പിടിച്ചെടുത്ത കപ്പലിലെ.
-
പിന്നോട്ടില്ലെന്ന് പറഞ്ഞ ഗതാഗതമന്ത്രി ഒപ്പുവച്ചു, ഡ്രൈവിംഗ് ടെസ്റ്റില് വീണ്ടും മാറ്റം; സര്ക്കുലര് നാളെ ഇറങ്ങും
തിരുവനന്തപുരം: സംസ്ഥാനത്ത് ഡ്രൈവിങ് ടെസ്റ്റ് പരിഷ്ക്കരണത്തില്.
-
കെ.എം.സി.സി എരിയാല് മേഖല കമ്മിറ്റിയുടെ 65000,രൂപ വിവാഹ ധനസഹായം കൈമാറി.
എരിയാല് : ജിസിസി കെഎംസിസി എരിയാല് മേഖലാ.
-
കടലാക്രമണം : തീരപ്രദേശങ്ങളിലെ വിനോദസഞ്ചാര പ്രവര്ത്തനങ്ങള് താല്ക്കാലികമായി നിരോധിച്ചു.
കാസര്കോട് : കള്ളക്കടല് പ്രതിഭാസത്തിന്റെ ഭാഗമായി കേരള.