അബുദാബി: അബുദാബി രാജകുടുംബാംഗം ശൈഖ് ഹസ്സ ബിന് സുല്ത്താന് ബിന് സായിദ് നിര്യാതനായി. 2019ല് അന്തരിച്ച യുഎഇ മുന് ഡെപ്യൂട്ടി പ്രധാനമന്ത്രി ശൈഖ് സുല്ത്താന് ബിന് സായിദ് അല് നഹ്യാന്റെ മകനാണ് ശൈഖ് ഹസ്സ. അദ്ദേഹത്തിന്റെ വിയോഗത്തില് യുഎഇ പ്രസിഡന്ഷ്യല് കോര്ട്ട് അനുശോചനം രേഖപ്പെടുത്തി.
വ്യാഴാഴ്ച അബുദാബിയിലെ ശൈഖ് സുല്ത്താന് ബിന് സായിദ് ഫസ്റ്റ് മസ്ജിദില് മരണാനന്തര നമസ്കാരം നിര്വഹിച്ച ശേഷം അല് ബത്തീന് ഖബര് സ്ഥാനില് ഖബറടക്കി. രാജകുടുംബത്തിലെ അംഗങ്ങള്ക്ക് പുറമെ മുതിര്ന്ന ഉദ്യോഗസ്ഥരും നിരവധി പൊതുജനങ്ങളും മയ്യിത്ത് നമസ്കാരത്തിലും ഖബറടക്കത്തിലും പങ്കെടുത്തു. യുഎഇ രാഷ്ട്ര നേതാക്കള് പങ്കെടുത്ത നിരവധി ചടങ്ങുകളില് അടുത്തിടെ ശൈഖ് ഹസ്സയും പങ്കെടുത്തിരുന്നു. അദ്ദേഹത്തിന്റെ നിര്യാണത്തില് ദുബൈ കിരീടാവകാശി ശൈഖ് ഹംദാന് ബിന് മുഹമ്മദും സോഷ്യല് മീഡിയയിലൂടെ അനുശോചനം അറിയിച്ചു.
അബുദാബി ഭരണാധികാരിയുടെ എല് ഐന് മേഖലാ പ്രതിനിധിയും ഇപ്പോഴത്തെ യുഎഇ പ്രസിഡന്റ് ശൈഖ് മുഹമ്മദ് ബിന് സായിദ് അല് നഹ്യാന്റെ അമ്മാവനുമാണ് ശൈഖ് തഹ്നൂന് കഴിഞ്ഞയാഴ്ച അന്തരിച്ചിരുന്നു. തുടര്ന്ന് യുഎഇയില് മേയ് ഒന്ന് ബുധനാഴ്ച മുതല് ഏഴ് ദിവസത്തെ ഔദ്യോഗിക ദുഃഖാചരണം നിലവിലുണ്ടായിരുന്നു.
more recommended stories
-
അഞ്ചാം ഘട്ട വോട്ടെടുപ്പില് പോളിംഗ് മന്ദഗതിയില്, ഉച്ചവരെ 24.23 ശതമാനം
ദില്ലി: ലോക്സഭ തെരഞ്ഞെടുപ്പ് അഞ്ചാം ഘട്ട.
-
ആകാശയാത്രയില് 35കാരിക്ക് രക്ഷകനായി മലയാളി ഡോക്ടര്
ബുധനാഴ്ച രാവിലെ 6.10ന് ചെന്നൈയില് ഡോ..
-
തോയമ്മല് യുവജന സമിതിയുടെ പ്രവര്ത്തന ഫണ്ട് ഉല്ഘാടനം ചെയ്തു.
പ്രശസ്ത ദേശീയ പുസ്കാര ജേതാവ് ശ്രീ സെന്ന.
-
രണ്ട് ചക്രവാതച്ചുഴി, ന്യൂനമര്ദ്ദ പാത്തി; കേരളത്തില് 5 ദിവസം ഇടിമിന്നലോടെ ശക്തമായ മഴ, 50 കി.മി വേഗതയില് കാറ്റും
തിരുവനന്തപുരം: കേരളത്തില് അടുത്ത അഞ്ച് ദിവസം.