, ‘പി എം ശ്രീയില് നിന്ന് ഒരു പൈസ പോലും എല്ഡിഎഫ് സര്ക്കാര് വാങ്ങിയിട്ടില്ല’
പി എം ശ്രീയുമായി ബന്ധപ്പെട്ട് ഇടതുപക്ഷ ജനാധിപത്യ മുന്നണി ഒരു നടപടിയും സ്വീകരിച്ചിട്ടില്ലെന്നും എസ് എസ് കെ ഫണ്ട് വാങ്ങുന്നതിനുള്ള നടപടിയാണ് സ്വീകരിച്ചതെന്നും വി ശിവന്കുട്ടി വാര്ത്താസമ്മേളനത്തില് വിശദീകരിച്ചു. പി എം ശ്രീ ഫണ്ട് വാങ്ങിയെന്ന് മുഖ്യമന്ത്രി പറഞ്ഞുവെങ്കില് അത് വസ്തുതാ വിരുദ്ധമാണെന്നും ശിവന്കുട്ടി കൂട്ടിച്ചേര്ത്തു.
തിരുവനന്തപുരം: പി എം ശ്രീ പദ്ധതിയില് നിന്ന് ഒരു പൈസ പോലും എല്ഡിഎഫ് സര്ക്കാര് വാങ്ങിയിട്ടില്ലെന്ന് മന് വിദ്യാഭ്യാസ മന്ത്രി വി ശിവന്കുട്ടി. പി എം ശ്രീയുമായി ബന്ധപ്പെട്ട് ഇടതുപക്ഷ ജനാധിപത്യ മുന്നണി ഒരു നടപടിയും സ്വീകരിച്ചിട്ടില്ലെന്നും എസ് എസ് കെ ഫണ്ട് വാങ്ങുന്നതിനുള്ള നടപടിയാണ് സ്വീകരിച്ചതെന്നും വി ശിവന്കുട്ടി വാര്ത്താസമ്മേളനത്തില് വിശദീകരിച്ചു. പി എം ശ്രീ നടപ്പാക്കുന്നതിന് വേണ്ടി സ്കൂളുകളുടെ പട്ടിക കൊടുക്കണമായിരുന്നു. അത് എല്ഡിഎഫ് സര്ക്കാര് കൊടുത്തിട്ടില്ലെന്ന് പറഞ്ഞ ശിവന്കുട്ടി, മുഖ്യമന്ത്രി കാര്യം മനസ്സിലാക്കാതെ സംസാരിക്കുന്നുവെന്നും വിമര്ശിച്ചു.
പി എം ശ്രീ ഫണ്ട് വാങ്ങിയെന്ന് മുഖ്യമന്ത്രി പറഞ്ഞുവെങ്കില് അത് വസ്തുതാ വിരുദ്ധമാണെന്നും ശിവന്കുട്ടി കൂട്ടിച്ചേര്ത്തു. പി എം ശ്രീ പദ്ധതിയില് നിന്ന് ഒരു പൈസ പോലും എല്ഡിഎഫ് സര്ക്കാര് വാങ്ങിയിട്ടില്ലെന്ന് അദ്ദേഹം വ്യക്തമാക്കി. മന്ത്രിസഭ ഉപസമിതി വരുന്നതില് തെറ്റില്ലെന്നും വി ശിവന്കുട്ടി കൂട്ടിച്ചേര്ത്തു. പി എം ശ്രീ ഭാഗമാകില്ലെന്ന് കാട്ടി ആദ്യം കത്ത് നല്കിയിരുന്നു. പിന്നീട് മന്ത്രിസഭ കൂടി നടപടികള് മരവിപ്പിക്കാന് കഴിഞ്ഞ സര്ക്കാര് കത്ത് നല്കിയിരുന്നു. ഇത് സര്ക്കാര് രേഖയായി നിലവിലുണ്ട്. മറിച്ചുള്ള മുഖ്യമന്ത്രിയുടെ വാദങ്ങള് വാസ്തവവിരുദ്ധമാണെന്ന് പറഞ്ഞ ശിവന്കുട്ടി, ഇക്കാര്യത്തില് മുഖ്യമന്ത്രി വി ഡി സതീശനെ വെല്ലുവിളിക്കുകയാണെന്നും വ്യക്തമാക്കി.
