കേരളത്തെ നടുക്കിയ നെന്മാറ ഇരട്ടക്കൊലക്കേസില് കുറ്റവാളി ചെന്താമരയ്ക്ക് വധശിക്ഷ വിധിച്ച് കോടതി. പാലക്കാട് അഡീഷണല് സെഷന്സ് കോടതിയാണ് ശിക്ഷ വിധിച്ചത്.
പാലക്കാട്: കേരളത്തെ നടുക്കിയ നെന്മാറ ഇരട്ടക്കൊലക്കേസില് കൊടും കുറ്റവാളി ചെന്താമരയ്ക്ക് വധശിക്ഷ വിധിച്ച് കോടതി. പാലക്കാട് അഡീഷണല് സെഷന്സ് കോടതിയാണ് ശിക്ഷ വിധിച്ചത്. കേസില് ഇരുഭാ?ഗങ്ങളുടേയും വിശദമായ വാദങ്ങള് കേട്ട ശേഷമാണ് കോടതി ശിക്ഷ പുറപ്പെടുവിച്ചത്. കേസ് അപൂര്വങ്ങളില് അപൂര്വമാണെന്ന് ചൂണ്ടിക്കാട്ടിയാണ് കോടതിവിധി. ചെന്താമര 20 ലക്ഷം പിഴയടക്കണമെന്നും ഈ തുക സുധാകരന്റെ മക്കള്ക്ക് നല്കണമെന്നും കോടതി ഉത്തരവിട്ടു. തുക നല്കാന് ചെന്താമരക്ക് കഴിഞ്ഞില്ലെങ്കില് സര്കാര് സഹായം നല്കണം. കൂടാതെ ചെന്താമര പിഴ അടച്ചില്ലെങ്കില് 3 വര്ഷം തടവ് അനുഭവിക്കണമെന്നും കോടതി വിധിച്ചു.
ചെന്താമരയ്ക്ക് മാനസിക പ്രശ്നങ്ങളില്ലെന്നും സൈക്കോളജി, സൈക്ക്യാട്രി റിപ്പോര്ട്ടുകള് ഇത് ശരിവെക്കുന്നുണ്ടെന്നും കോടതി വ്യക്തമാക്കി. ഗാന്ധിയല്ല താനെന്ന് പ്രതി കോടതിയില് പറഞ്ഞു. ഞാന് അങ്ങോട്ട് പ്രശ്നത്തിന് പോകില്ല. ഇങ്ങോട്ട് വന്നാല് വെറുതെ വിടില്ലെന്നും ചെന്താമര പറഞ്ഞെന്ന് കോടതി ചൂണ്ടിക്കാട്ടി. പ്രതിയെ പ്രകോപിപ്പിച്ചു എന്നതാണ് കുറ്റം ചെയ്യാനുള്ള കാരണം. കൊല്ലപ്പെട്ട സുധാകരന്റെ മകളുടെ കാര്യത്തില് ഡിഫന്സ് കൗണ്സില് മുന്പാകെ പ്രതി കുറ്റബോധം കാണിച്ചു. പ്രതിക്ക് മാനസാന്തരമുണ്ടാകില്ല. ഇരകളുടെ ഭാഗത്ത് നിന്ന് പ്രകോപനം ഉണ്ടായിട്ടില്ല. പ്രകോപനം ഇല്ലാതെയാണ് ചെന്താമരയുടെ കുറ്റകൃത്യം. മനസാന്തരപ്പെടാനുള്ള സാധ്യത കൂടി നോക്കിയാണ് ശിക്ഷ വിധിക്കാറുള്ളത്.
സമൂഹത്തിനു പ്രതി പ്രശ്നക്കാരന് ആണെങ്കില് വധശിക്ഷ നല്കാമെന്നു വിവിധ ഹൈക്കോടതി വിധികള് ഉണ്ട്. എല്ലാ കുറ്റവാളികള്ക്കും ഭാവിയുണ്ട്. എല്ലാ വിശുദ്ധര്ക്കും ഭൂതം ഉണ്ട്. സുധാകരന്റെ മക്കള്ക്ക് ചെന്താമര ഭീഷണിയാണ്. കൊലപാതകങ്ങള് ചെയ്തതില് പ്രതിക്ക് കുറ്റബോധം ഇല്ല. ജാമ്യം ലംഘിച്ച് ആണ് കൊലപാതകങ്ങള് നടത്തിയത്. ചെന്താമര വീണ്ടും കുറ്റം ചെയ്യാന് സാധ്യത ഉള്ളയാളാണെന്ന് ജില്ലാ പ്രോബേഷന് ഓഫീസറുടെ റിപ്പോര്ട്ട് ഉണ്ടെന്നും കോടതി പറഞ്ഞു.
യുദ്ധക്കളമായി ജന്തര് മന്തര്! സിജെപി മാര്ച്ചില് ലാത്തിച്ചാര്ജ്, പ്രതിഷേധക്കാര്ക്ക് നേരെ ലാത്തിവീശി പൊലീസ്
കൊലപാതകത്തിന് പ്രതി വ്യക്തമായി പദ്ധതിയിട്ടിരുന്നതായി സാക്ഷി മൊഴികളിലുണ്ട്. കൊലപാതകം പ്രതി തുടര്ച്ചയായി ന്യായികരിക്കുകയാണ്. പ്രതി പറഞ്ഞ ഒരു കാര്യം മാത്രമാണ് യാഥാര്ത്ഥ്യമായി തോന്നിയത്. ജയിലില് ജോലി ചെയ്ത് സുധാകരന്റെ മക്കള്ക്ക് ചിലവിന് കൊടുക്കാം എന്നത് മാത്രം. സാഹചര്യ തെളിവുകള് ആണ് കേസില് ഉള്ളത്. അത് കൊണ്ട് മാത്രം വധശിക്ഷ നല്കാന് ആകില്ല എന്നാണ് മുന് വിധികള്. നേരത്തെ തന്നെ ജീവപര്യന്തം വിധിച്ചിട്ടുണ്ട്. മുന് കേസ് ശിക്ഷയില് പരിഗണിക്കരുത് എന്ന് പ്രതിഭാഗം പറഞ്ഞിരുന്നു. മുത്തശ്ശിയെ കൊന്നതോടെ മക്കള്ക്ക് അതിജീവിക്കാനുള്ള അവസരം പ്രതി ഇല്ലാതാക്കിയെന്നും കോടതി പറഞ്ഞു. അതേസമയം, പ്രതി മാനസിക സമ്മര്ദ്ദം ഉള്ളതിനാല് സ്വയം അവസാനിക്കാനാണ് വീട്ടില് നിന്ന് കണ്ടെത്തിയ വിഷം സൂക്ഷിച്ചതെന്ന പ്രതിഭാഗത്തിന്റെ വാദം തെളിഞ്ഞില്ല. പ്രതിഭാഗത്തിന്റെ വാദം പൂര്ണമായി തള്ളിയ കോടതി പ്രതിക്ക് വധശിക്ഷ വിധിക്കുകയായിരുന്നു.
കേസിന്റെ നാള്വഴികള്
ജനുവരി 27 ചെന്താമര അയല്വാസിയായ സുധാകരനെയും അമ്മ ലക്ഷ്മിയെയും വെട്ടിക്കൊലപ്പെടുത്തുന്നു. പ്രതിക്കായി രണ്ടു ദിനം നീണ്ട തിരച്ചില്- രാത്രിയും പകലും കൊലപാതകം നടന്ന വീടിനോട് ചേ4ന്ന മലയിടുക്കില് പൊലീസും നാട്ടുകാരും ചേ4ന്നായിരുന്നു തിരച്ചില്
28 ന് രാത്രി 11 മണിയോടെ ചെന്താമരയെ പോത്തുണ്ടി മാട്ടായി വനമേഖലയില് നിന്ന് പൊലീസ് കസ്റ്റഡിയിലെടുത്തു
ഫെബ്രുവരി 5- സുധാകരനെയും ലക്ഷ്മിയെയും കൊല്ലാനുപയോഗിച്ച കത്തി വാങ്ങിയ എലവഞ്ചേരിയിലും തെളിവെടുപ്പ്
ഫെബ്രുവരി 18- പ്രതി ചെന്താമരയുടെ ആദ്യ കേസിലെ ജാമ്യം റദ്ദാക്കി, 2019 ല് പോത്തുണ്ടി സ്വദേശി സജിതയെ കൊലപ്പെടുത്തിയ കേസിലെ ജാമ്യമാണ് റദ്ദായത്. 2022 ല് ജാമ്യത്തിലിറങ്ങിയ ചെന്താമര ജാമ്യവ്യവസ്ഥ ലംഘിച്ചാണ് പോത്തുണ്ടിയില് താമസിച്ചത്.
മാ4ച്ച് 3- കേസില് സാക്ഷികളുടെ രഹസ്യ മൊഴി ചിറ്റൂര് ജുഡീഷ്യല് ഫസ്റ്റ് ക്ലാസ് മജിസ്ട്രേറ്റ് കോടതിയില് രേഖപ്പെടുത്തി.
മാര്ച്ച് 25 കുറ്റപത്രം സമ4പ്പിച്ചു
480 പേജുള്ള കുറ്റപത്രത്തില് 132 സാക്ഷികളും മുപ്പതിലധികം രേഖകളും ഫൊറന്സിക് പരിശോധന ഫലം ഉള്പ്പെടെയുള്ള ശാസ്ത്രീയ തെളിവുകള് ഉള്പ്പെട്ടിരുന്നു. ഫെബ്രു 23 മുതല് മെയ് 6 വരെ വിചാരണ നടന്നു. 132 സാക്ഷികളില് 4 പേര് കൂറുമാറുകയും ചെയ്തിരുന്നു.
