, 8 ജില്ലകളിലെ വിദ്യാഭ്യാസ സ്ഥാപനങ്ങള്ക്ക് അവധി
കാസര്കോട്, കണ്ണൂര്, വയനാട്, കോഴിക്കോട്, തൃശൂര്, കോട്ടയം, പത്തനംതിട്ട, ആലപ്പുഴ എന്നീ എട്ട് ജില്ലകളില് ഇന്ന് വിദ്യാഭ്യാസ സ്ഥാപനങ്ങള്ക്ക് അവധി. തീവ്ര മഴയ്ക്ക് സാധ്യതയുള്ളതിനാല് ഏഴ് ജില്ലകളില് ഓറഞ്ച് അലര്ട്ടും, മറ്റ് യെല്ലോ അലര്ട്ടുകള് പ്രഖ്യാപിച്ചിട്ടുണ്ട്.
തിരുവനന്തപുരം: സംസ്ഥാനത്ത് ഇന്നും അതിശക്തമായ മഴ തുടരുമെന്ന് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്. വടക്കന് കേരളത്തിലും മധ്യകേരളത്തിലും തീവ്ര മഴയ്ക്ക് സാധ്യതയുള്ളതിനാല് ഏഴ് ജില്ലകളില് ഓറഞ്ച് അലര്ട്ടും, മറ്റ് യെല്ലോ അലര്ട്ടുകള് പ്രഖ്യാപിച്ചിട്ടുണ്ട്. അപകടസാധ്യത മുന്നിര്ത്തി കേരള തീരത്ത് മത്സ്യബന്ധനത്തിന് കര്ശന നിയന്ത്രണങ്ങളും ഏര്പ്പെടുത്തിയിട്ടുണ്ട്.
കനത്ത മഴ തുടരുന്ന സാഹചര്യത്തില് മുന്കരുതല് നടപടിയുടെ ഭാഗമായി കാസര്കോട്, കണ്ണൂര്, വയനാട്, കോഴിക്കോട്, തൃശൂര്, കോട്ടയം, പത്തനംതിട്ട, ആലപ്പുഴ എന്നീ എട്ട് ജില്ലകളില് ഇന്ന് വിദ്യാഭ്യാസ സ്ഥാപനങ്ങള്ക്ക് അവധി പ്രഖ്യാപിച്ചു. അങ്കണവാടികള് മുതല് പ്രൊഫഷണല് കോളേജുകള് വരെയുള്ള എല്ലാ സ്ഥാപനങ്ങള്ക്കും അവധി ബാധകമാണെങ്കിലും, മുന്കൂട്ടി നിശ്ചയിച്ച പൊതുപരീക്ഷകള്ക്ക് മാറ്റമുണ്ടായിരിക്കുന്നതല്ല. കോഴിക്കോട് ജില്ലയില് പ്രൊഫഷണല് കോളേജുകള് ഒഴികെയുള്ള വിദ്യാഭ്യാസ സ്ഥാപനങ്ങള്ക്കാണ് അവധി. ജനങ്ങള് അത്യാവശ്യമല്ലാത്ത യാത്രകള് ഒഴിവാക്കണമെന്നും ജലാശയങ്ങള്ക്ക് സമീപത്തേക്ക് പോകരുതെന്നും ദുരന്തനിവാരണ അതോറിറ്റി മുന്നറിയിപ്പ് നല്കി.
