കൊല്ലം നഗരത്തില്‍ 20 ഫ്‌ലക്‌സും 2500 കൊടികളുo സ്ഥാപിച്ചതിന് മൂന്നര ലക്ഷം രൂപയാണ് പിഴ ചുമത്തിയിരിക്കുന്നത്
കൊല്ലം: സിപിഐഎം സംസ്ഥാന സമ്മേളനത്തിന്റെ ഭാഗമായി ന?ഗരത്തില്‍ കൊടിയും ഫ്‌ലക്‌സും സ്ഥാപിച്ചതിന് പിഴ ചുമത്തി കൊല്ലം കോര്‍പ്പറേഷന്‍. കൊല്ലം നഗരത്തില്‍ 20 ഫ്‌ലക്‌സും 2,500 കൊടികളുo സ്ഥാപിച്ചതിന് മൂന്നര ലക്ഷം രൂപയാണ് കോര്‍പ്പറേഷന്‍ പിഴ ചുമത്തിയിരിക്കുന്നത്. പിഴ ചുമത്തിയ നോട്ടീസ് സിപിഐഎം ജില്ലാ സെക്രട്ടറിയ്ക്ക് അയച്ചു.
കൊടികളും ഫ്‌ലെക്‌സുകളും നീക്കം ചെയ്യാന്‍ കോര്‍പറേഷന്‍ ജീവനക്കാര്‍ക്ക് പൊലീസ് സംരക്ഷണം നല്‍കും. കോര്‍പറേഷന്‍ സെക്രട്ടറിയുടെ പരാതിയിലാണ് പൊലീസ് സംരക്ഷണം ഒരുക്കുന്നത്. ഹൈക്കോടതി ഉത്തരവിന്‍മേലാണ് കൊടി തോരണങ്ങള്‍ നീക്കം ചെയ്യാന്‍ കോര്‍പറേഷന്‍ നടപടിയെടുത്തത്. കൊടി തോരണങ്ങള്‍ നീക്കം ചെയ്തില്ലെങ്കില്‍ എഫ്‌ഐആര്‍ രജിസ്റ്റര്‍ ചെയ്യാനും പൊലീസ് നീക്കമുണ്ട്. എന്നാല്‍ നിയമപരമായാണ് കൊടിയും ഫ്‌ലക്‌സും സ്ഥാപിച്ചതെന്നാണ് സിപിഐഎം നല്‍കുന്ന വിശദീകരണം.
