മഞ്ചേശ്വരം;വഖഫ് ഭേദഗതി ബില്‍ പിന്‍വലിക്കണമെന്നാവശ്യപ്പെട്ട് മഞ്ചേശ്വരത്ത് വെള്ളിയാഴ്ച്ച വന്‍ പ്രതിഷേധ റാലി. വഖഫ് സംരക്ഷണ സമിതിയുടെ നേതൃത്വത്തില്‍ കുഞ്ചത്തൂര്‍ മുതല്‍ ഹൊസങ്കടിവരെയാണ് റാലി സംഘടിപ്പിക്കുന്നത്. മതനേതാക്കളും, ഉലമ നേതാക്കളും, മതേതരവാദികളും ഉള്‍പടെ നിരവധി പേര്‍ ഈ പ്രതിഷേധ റാലിയുടെ ഭാഗമാകുമെന്ന് വഖഫ് സംരക്ഷണ സമിതി ജനറല്‍ കണ്‍വീനര്‍ എസ്.എം. ബഷീര്‍ വാര്‍ത്താ സമ്മേളനത്തില്‍ അറിയിച്ചു. വെള്ളിയാഴ്ച ഉച്ചകഴിഞ്ഞ് 3 മണിക്കാണ് പ്രതിഷേധ റാലി. മുസ്ലിം സമുദായത്തിലെ വിവിധ സംഘടനാ നേതാക്കള്‍, മഹല്ല് കമ്മിറ്റി ഭാരവാഹികള്‍, സാമൂഹിക, രാഷ്ട്രീയ പ്രവര്‍ത്തകര്‍ തുടങ്ങി ആയിരക്കണക്കിന് പേര്‍ പ്രതിഷേധ റാലിയില്‍ അണിനിരക്കും. എസ് വൈസ് ജില്ലാ എക്‌സിക്യൂട്ടീവ് സിദ്ദീഖ് കോളിയൂര്‍, എസ്‌കെഎസ്എസ്എഫ് സെക്രട്ടറി റഊഫ് ഫൈസി, കമ്മിറ്റി ഉപദേഷ്ടാവ് സയ്യിദ് മൊയ്തീന്‍ തങ്ങള്‍, ഹസൈനാര്‍, അഷ്റഫ് ബഡാജെ, ജബ്ബാര്‍ ബഹ്റൈന്‍, അഷ്റഫ് കുഞ്ചത്തൂര്‍, ജാസിം കടമ്പര്‍, ഹനീഫ് കുച്ചിക്കാട്, സക്കരിയ്യ ഷാലിമാര്‍, സക്കരിയ്യ മഞ്ചേശ്വരം, അലി കുട്ടി, ഷെരീഫ് പാവൂര്‍, മുസ്തഫ ഉദ്യാവര്‍, മുസ്തഫ കുഞ്ചത്തൂര്‍, ഹനീഫ് പടിഞ്ഞാര്‍, എന്നിവരും വാര്‍ത്താ സമ്മേളനത്തില്‍ പങ്കെടുത്തു.
വഖഫ് ഭേദഗതി ബില്‍;മഞ്ചേശ്വരത്ത് വെള്ളിയാഴ്ച്ച പ്രതിഷേധ റാലി
39
previous post