മുതിര്‍ന്ന പൗരന്മാര്‍ക്കും പ്രവാസികള്‍ക്കും പ്രത്യേക സേവന കൗണ്ടര്‍; പ്രഖ്യാപനവുമായി കെഎസ്എഫ്ഇ

തൃശൂര്‍: കെ.എസ്.എഫ്.ഇ ഉപഭോക്തൃസേവനം കൂടുതല്‍ കാര്യക്ഷമവും സൗകര്യപ്രദവുമാക്കുന്നതിന്റെ ഭാഗമായി മുതിര്‍ന്ന പൗരന്മാര്‍ക്കും പ്രവാസി മലയാളികള്‍ക്കും (എന്‍.ആര്‍.ഐ.) പ്രത്യേക സേവന കൗണ്ടറുകള്‍ ആരംഭിക്കുന്നു.ഈ കൗണ്ടറുകളിലൂടെ ശാഖയുമായി ബന്ധപ്പെട്ട സേവനങ്ങള്‍ക്ക് പ്രത്യേക പരിഗണന ലഭിക്കുന്നതാണ്. കൂടുതല്‍ വേഗത്തിലും സൗകര്യപ്രദമായും സേവനങ്ങള്‍ ലഭ്യമാക്കാന്‍ ഈ സംവിധാനം സഹായകരമാകുന്നതാണ്.

ഉപഭോക്താക്കളുടെ ആവശ്യങ്ങള്‍ക്കനുസരിച്ച് സേവനങ്ങള്‍ ലളിതമാക്കുന്നതിനും എല്ലാവര്‍ക്കും മെച്ചപ്പെട്ട ഉപഭോക്താനുഭവം ഉറപ്പാക്കുന്നതിനുമുള്ള കെ.എസ്.എഫ്.ഇ യുടെ പ്രതിബദ്ധതയുടെ ഭാഗമാണ് ഈ സംരംഭം എന്ന് കെ.എസ്.എഫ്.ഇ മാനേജിംഗ് ഡയറക്ടര്‍ ശ്രീ. അഭിലാഷ് പി. എന്‍ അറിയിച്ചു.

മുതിര്‍ന്ന പൗരന്മാര്‍ക്കും പ്രവാസി മലയാളികള്‍ക്കും കൂടുതല്‍ സൗഹൃദപരവും കാര്യക്ഷമവുമായ സേവനാന്തരീക്ഷം ഒരുക്കുന്നതിലൂടെ ഉപഭോക്തൃകേന്ദ്രീകൃത പ്രവര്‍ത്തനങ്ങള്‍ക്ക് കൂടുതല്‍ പ്രാധാന്യം നല്‍കുകയാണ് കെ.എസ്.എഫ്.ഇ ലക്ഷ്യമിടുന്നത്.